Жорий йилнинг 27 июнь куни “Иссиқлик электр станциялари” акциядорлик жамияти ва Навоий кон-металургия комбинати ҳамкорлигида ташкил этилган “Биргаликда биз бир кучмиз!” Халқаро ёшлар форумига старт берилди.
Форумда “Иссиқлик электр станциялари” АЖ, Навоий кон-металургия комбинати ҳамда Қозоғистон, Россия Федерацияси ва Япония давлатларининг электр энергетика тармоғи корхоналаридан келган 300 нафардан зиёд ёш энергетик-мутахассислар иштирок этмоқда.
Мазкур форум электр энергетика ва тоғ-кон саноати корхоналарида фаолият юритаётган ёшларнинг ғоя ва ташаббусларини қўллаб-қувватлаш, Ўзбекистон, Қозоғистон, Россия Федерацияси ва Япония ёшлари учун мулоқот майдонини яратиш, 2021 йил “Ёшларни қўллаб-қувватлаш ва аҳоли саломатлигини мустаҳкамлаш йили” Давлат дастури ижросини таъминлаш ҳамда 30 июнь – Ўзбекистон ёшлари кунини муносиб кутиб олиш каби мақсадларда ташкил этилди.
Форум Навоий вилоятининг “Сармиш” оромгоҳида бўлиб ўтмоқда.
“Иссиқлик электр станциялари” АЖ Матбуот хизмати.
943
