Истеъмолчиларни электр энергияси, табиий ва суюлтирилган газ билан таъминлаш сифатини ошириш мақсадида олиб борилаётган модернизация ва реконструкция ишлари: 28 июнь куни амалга оширилган ишлар — айрим ҳудудлар мисолида.
Жиззах вилояти:
Жиззах вилоятининг Дўстлик тумани, “Ғофур Ғулом” МФЙ ҳудудидаги Нодирабегим кўчасида жойлашган 7 та кўп қаватли уйларни сифатли ва узлуксиз электр энергияси билан таъминлаш мақсадида янги 400/10/0,4 кВА қувватга эга бўлган трансформатор пункти ва 10 кВ электр узатиш ҳаво тармоқлари учун 8 дона темир-бетон таянчлари ўрнатиб, 450 метр электр узатиш ҳаво тармоқлари тортилмоқда.
Тошкент шаҳар:
“Hududgaz Poytaxt” ГТФнинг “Yashnabodtumangaz” газ таъминоти бўлими ходимлари томонидан 2021-2022 йиллар куз-қиш мавсумига тайёргарлик кўриш, куз - қиш мавсумини беталофат ўтказиш, табиий газ истеъмолчиларига, сифатли хизмат кўрсатиш мақсадида, Тошкент шаҳри Яшнабод тумани, Амур Темур МФЙда ҳам кенг кўламли ишлар амалга оширилмоқда. Бу каби ишлар Тошкент шаҳри бўйлаб амалга оширилмоқда.
Навоий вилояти:
Навбаҳор туманининг “Пахтакор” маҳалласида диаметри 159 миллиметрли юқори босимли газ қувурини бўёқлаш ишлари олиб борилмоқда. Узунлиги 1,8 км бўлган мазкур газ тармоғи орқали “Пахтакор”, “Янги йўл” ва “Навкар” маҳаллаларидаги жами 1224 нафар истеъмолчи табиий газ билан таъминланади. Айни вақтга қадар бўёқлаш ишлари 85 фоизга бажарилди.
Шунингдек, мазкур маҳалладаги юқори ва ўрта босимли газ тақсимлаш қурилмалари чилангари Ҳаким Сафаров томонидан тўлиқ техник тафтишдан ўтказилиб, хавфсизлиги таъминланмоқда. Хусусан, ҳудуддаги 10, 15, 16-сонли қурилмаларда тафтиш ишлари якунланди. Бўёқлаш ишлари амалга оширилиб, иситиш мавсумига тайёр ҳолга келтирилди. Мақсад қиш кунларида маҳалла аҳолисини табиий газ билан бир маромда хавфсиз таъминлашдир.
Самарқанд вилояти:
Газ билан боғлиқ турли авариялар ва кўнгилсиз талофатларнинг олдини олиш мақсадида, айни кунларда Самарқанд вилоятининг барча туманларида тасдиқлаган жадваллар ва тарифлар бўйича истеъмолчиларнинг ички газ тармоқларига (газ ускуналарига) профилактик хизматлар кўрсатилмоқда.
“Hududgaz Samarqand” газ таъминоти филиали “Qo’shrabottumangaz” бўлими бугунги кунда ҳудуддаги 3118 та табиий, 20264 та суюлтирилган газ истеъмолчиларига хизмат кўрсатади.
2021 йил июнь ойи давомида сервис хизмати ходимлари томонидан туманидаги 258 та табиий ва 314 та суюлтирилган газ истеъмолчиларига, жами 572 та аҳоли хонадонларидаги газ ускуналарига техник хизматлар кўрсатилди.
617
