Энергия самарадорлик ва қайта тикланувчи энергия манбаларини ривожлантириш масалалари бўйича Андижон вилоятида олиб борилаётган ишлар, муаммолар ва уларнинг ечимлари тўғрисида Андижон вилояти ҳокимлиги, Энергетика вазирлиги, “Ўзэнергоинспекция” ҳамда “Андижон ҲЭТК” АЖ томонидан давра суҳбати ташкил этилди.
Тадбир давомида Андижон шаҳридаги Олимпия заҳиралари коллежида Республика тармоқлараро саноат ярмаркасида ҳам бўлиб зтди. Ярмарка иштирокчиларига тақдим этилган саноат корхоналарининг маҳсулотлари билан бирга, энергия тежамкор технологиялар, муқобил энергия манбалари, қуёш сув иситгичлари ва қуёш электр станцияларига қизиқишлари кузатилди.
Ўзбекистон Республикаси Президенти, Вазирлар Маҳкамасининг карор ва фармойишлари асосида барча соҳалар каби вилоятда энергия тежамкорлик ва энергия самарадорлигини ошириш бўйича ҳам бир қатор ижобий ишлар амалга оширилиб келинмоқда.
Хусусан, Андижон вилоятида қурилаётган кўп қаватли уйларга энергия тежовчи технологияларни ва қайта тикланувчи энергия манбалари қурилмаларини жорий этиш буйича ишлар йулга куйилди. Барча куп каватли уйларнинг ташқи фасадлари замонавий изоляция материаллари билан копланмокда, кириш йулакларига ҳаракат датчиклик ёритгичлар, ташки ёритиш учун куёш еритгичлари ўрнатилмокда. Шунингдек, ижтимоий соҳа объектларида қуввати 255 та кичик фото-электр станциялари ва 92 та қуёш сув иситкичлар, аҳоли хонадонларида эса 807 та кичик фото-электр станциялари ва 45 та қуёш сув иситкичлари ўрнатилган.
Бу жараёнда Андижон вилоятида фаолият юритаётган 116 та йирик ёқилғи-энергетика ресурслари истеъмолчилари билан ўтказиладиган семинар ва давра суҳбати ташкил этилганлиги катта ахамият касб этди.
Маазкур анжуманда Ўзбекистон Республикаси Президентининг 2020 йил 10 июлдаги ПҚ-4779-сонли қарори билан тасдиқланган жадвалига асосан Андижон вилоятида умумий ҳажми 2000 тоннадан ортиқ шартли ёқилғи ёки 1000 тонна мотор ёқилғисига тенг ресурсларни сарфлайдиган корхоналарда 2020 йилда ўтказилган энергия аудит текширувлари натижалари ва 2021 йилда энергия аудит ўтказиш режалари тўғрисида йирик ёқилғи-энергетика ресурслари истеъмолчиларига тушунчалар берилди.
“Ўзэнергоинспекция” Матбуот хизмати
777
