Истеъмолчиларни электр энергияси, табиий ва суюлтирилган газ билан таъминлаш сифатини ошириш мақсадида олиб борилаётган модернизация ва реконструкция ишлари: 1 июль куни амалга оширилган ишлар — айрим ҳудудлар мисолида.
Навоий вилояти:
Навбаҳор туманида 9 та маҳаллада электр энергияси таъминотини яхшилаш мақсадида кенг кўламли ишлар амалга оширилмоқда. Ҳусусан 9 та трансформатор ўрнатилди ва яроқсиз ҳолга келиб қолган ёғоч таянчлар янгисига алмаштирилди.
Учтут маҳалласида ҳам 9 км ҳаво электр узатиш тармоқлари ва 4 дона трансформатор пунктлари янгиланди.
Сирдарё вилояти:
Боёвут туманининг “Обод қишлоқ” ва “Обод маҳалла” дастурлари доирасида 7 дона янги трансформаторлар ўрнатилиб, 24 км дан ортиқ электр тармоқлари қурилди.
Оқолтин туманида “Обод маҳалла” давлат дастурига тушган А.Навоий МФЙ ҳудудида “Oqoltintumangaz” газ таъминоти бўлими томонидан 250 метр масофада 100 диаметрлик газ қувурлари тартибга келтириб, бўёқланди ҳамда 190 метр 89 диаметрлик эски газ қувурлари демонтаж қилиниб янги 50 диаметрлик газ қувурларига алмаштирилди.
200 метр 50 диаметрлик газ қувурлари тартибга келтириб бўёқланди. 200 метр масофада 32-40 диаметрлик газ қувурлари тартибга келтирилди. 48-50 диаметрли газ қувурларидан 11 дона аркалар ясалиб, жами 840 метр газ қувурлари тартибга келтирилди ва бўёқланди. Ушбу маҳалла ҳудудига 684 дона ҳонадонларга янги "ақлли" ҳисобдонлар ўрнатилди. Маҳалла ҳудудидаги мавжуд ўрта босимли 5 дона газ тақсимлаш қурилмаси техник кўрикдан тўлиқ ўтказилиб, бўёқлаш ишлари бажарилди.
Жиззах вилояти:
Ғаллаорол тумани Маданият ҚФЙ да Сангзор дарёси устидан янги газ қувурлари ўтказилмоқда. Аҳолини газ билан таъминлаш учун 380 м ўрта босимли газ қувурларини тортиш ишлари якунланди. Тумандаги 704 ўрта ва юқори босимли газ тақсимлаш шкафларининг 50%и яъни 358та газ тақсимлаш шкафи техник кўрикдан ўтказилди.
Шунингдек, тумандаги 15,2 км газ қувурларимиз прибор усули билан текшириб кўрилди. 16 км газ қувурларимиз ҳаво босими остида синовдан ўтказилиб, тозаланди. 5км газ қувурларимизда бўёқлаш ишлари олиб борилди.
Самарқанд вилояти:
Куз-қиш мавсумига тайёргарлик бўйича тумандаги ”Гулистон” маҳаллаларидаги ўрта босимли газ тақсимлаш қурилмаси ревизия-тафтиш қилиниши кўзда тутилган. Бугунгача ушбу қурилма тўлиқ тафтишдан ўтказилиб, бўёқланди.
Навоий вилояти:
Вилоят марказидан 300 км узоқликда жойлашган Учқудуқ тумани истеъмолчилари маиший газ баллонларда суюлтирилган газ билан таъминланади. Мақсад истеъмолчиларга қулайлик яратиб, олис овулларга суюқ газни ўз вақтида етказишдир.
Тошкент шаҳар:
Юнусобод туманида жами табиий газ истеъмолчилари сони 84 900 та бўлиб, шулардан, 61 837 таси кўп қаватли, 23 063 таси ерлик аҳоли хонадонлари “Hududgaz Poytaxt” ГТФнинг “Yunusobodtumangaz” газ таъминоти бўлими томонидан 12 496 та ерлик аҳоли хонадонларига электрон газ ҳисоблагичлари ўрнатилган. Уларнинг 12 496 таси “BillingGaz”дастурига уланган.
“Sergelitumangaz” газ таъминоти бўлими томонидан Тошкент шаҳри Сергели тумани, “Мададкор” маҳалласидаги ўрта босим газ тақсимлаш пункитини (ГТП) бошқа хавфсиз жойга кўчириш ишлари амалга оширилмоқда.
Хоразм вилояти:
“Обод қишлоқ” ва “Обод маҳалла” дастурларига асосан Қўшкўпир тумани “Кўназей" маҳалласида аҳолини сифатли ва узлуксиз табиий газ билан таъминлаш мақсадида, “Hududgaz Xorazm” газ таъминоти филиали томонидан амалий ишлар олиб борилмоқда.
2021-2022-йил куз-қиш мавсумига тайёргарлик ишлари давом этмоқда.
517
