Истеъмолчиларни электр энергияси, табиий ва суюлтирилган газ билан таъминлаш сифатини ошириш мақсадида олиб борилаётган модернизация ва реконструкция ишлари: 14 июль куни амалга оширилган ишлар — айрим ҳудудлар мисолида.
Андижон вилояти:
Булоқбоши туман “Қумариқ” МФЙ Токзор кўчасидаги яроқсиз симёғочлар ўрнига 8 дона темир бетон таянчлар олиб келиб ўрнатилди.
Андижон шаҳар "Ҳамкорлик" МФЙ ҳудудида жойлашган 110/6 кВ кучланишли "Андижон" подстанциясидаги Т-2 ТДТН-25000 кВА қувватга эга куч трансформатори куз - қиш мавсумига тайёргарлик доирасида тўла таъмирлаш ишлари амалга оширилди.
Андижон туманидаги мавжуд 189 та газ маромлаш қурилмаларининг 116 донаси техник кўрикдан ўтказилди. Шунингдек, 7 км газ қувурларимиз бўёқланди ва 11.4 км ер ости газ қувурларимизнинг ҳолати эса махсус асбоб ёрдамида текширилди. “Саноат” МФЙ “Бунёдкор” ўрамидаги кўп қаватли уйларни табиий газ билан таъминловчи ВДБК-1/25-русумли газ маромлаш қурилмаси ҳам мукаммал таъмирдан чиқарилди”.
Наманган вилояти:
Поп тумани Чодак ҳудудида жойлашган "Чодаксой" нимстанцияси орқали 11270 та аҳоли истеъмолчилари, 1475 дона улгуржи ҳамда Чодак қишлоғида жойлашган йирик корхоналардан бири ОГМК учун алоҳида тармоқ тортилган.
Мазкур нимстанцияда икки дона қуввати 6300 кВА бўлган трансформатор пунктлари мавжуд. Нимстанциясида 2 та 35 кВли "Чодак" ва "Чодак-5" тармоқлари ҳамда 10 кВли 2 дона "Чодак-1" ва "Чодак-2" ҳаво тармоқлари орқали истеъмолчиларга етказилиб берилмоқда.
Навоий вилояти:
Обод қишлоқ” ва “Обод маҳалла” дастурлари доирасида Навбаҳор тумани “Меҳнат” маҳалласига 230 дона янги темир бетон устунлар ўрнатилиб, 10 км дан ортиқ электр тармоқлари қурилди. Шунингдек ушбу маҳаллаларга 2 дона турли қувватдаги янги замонавий трансформатор пунктлари ўрнатиш ишлари олиб борилди.
Самарқанд вилояти:
2021-2022 йил куз-қиш мавсумига тайёргарлик ишлари доирасида вилоятнинг Пайариқ тумани "Фидокор" маҳалла фуқаролар йиғинида жойлашган ўрта босимли газ маромлаш қурилмаси тўлиқ тафтишдан ўтказилди ва бўёқланди.
“Обод қишлоқ” ва “Обод маҳалла” дастурлари дорасида Жомбой туманининг “Кўлбости” маҳалла фуқаролар йиғини ҳудудида янги трансформатор ўрнатилди ва 72 та хизмат вазифасини ўтаб бўлган симёғочни янгисига алмаштириш режалаштирилган бўлиб, ҳозиргача 62 таси алмаштирилди. Эски электр симлари ҳам янгиланиб, ўрнига СИП-2 русумли изоляцион кабель тортилаяпти.
Тошкент вилояти:
Чиноз тумани Гулзоробод МФЙ сига "Обод қишлоқ" Давлат дастури ижросини таъминлаш борасида маҳаллага 20 дона темирбетон устунларни ўрнатиш учун келтирилди.
Бўка туманинг энг олис Жамбул ва Кўкорол МФЙ ҳудудларида 0,4 кВли электр узатиш ҳаво тармоқларини тортилмоқда.
Пискент туманидаги ТП-264 да 0,4 кВ ҳаво тармоғига темир бетон устунлар ўрнатилиб ёғоч устунлар демонтаж қилинмоқда.
Тошкент шаҳар:
2021-2022 йил куз-қиш мавсумига тайёргарлик ишлари доирасида Миробод туманининг асосий кўчаларида ер ости газ қувуридан газ сизиб чиқиш ҳолати аниқланган бўлиб, уни бартараф этиш ишлари олиб борилиб, канал бўйидаги газ қувурлари бўёқланмоқда.
540
