Жорий йилда юртимиз мустақиллигининг 30 йиллик тантаналарини кенг нишонлаймиз. Шубҳасиз, мустақиллик бу халқимизининг асрий орзуси, айнан унинг туфайли Ўзбекистон бугун ўз ўрнига, сўзига эга.
Қувонарлиси, ушбу қутлуғ сана “Ўзтрансгаз” АЖ фаолиятида янги дастур, лойиҳалар учун дебоча бўлиб хизмат қиляпти. Айнан жорий йилда 500 кмдан ортиқ узунликдаги газ қувурларини қуриш, таъмирлаш, реконструкция қилиш ҳамда “Газли” компрессор станциясининг 2та цехида 10 та газ ҳайдаш агрегатларини реконструкция қилишни кўзда тутувчи “2021-2022 йилларда Ўзбекистон газтранспорт тизимини модернизация қилиш ва самарадорлиги ошириш дастури” ишлаб чиқилиб, унинг доирасида ишлар жадаллик билан амалга оширилмоқда. Унга кўра, 2022 йилга қадар магистрал газ қувурларини қуриш, реконструкция қилиш ва мукаммал таъмирлаш, шунингдек “Газли” компрессор станциясининг “ДКС-4” ва “ДКС-5А” цехларидаги газ ҳайдаш агрегатларини модернизация ва реконструкция қилиш кўзда тутилган.
Айнан жараённинг боришини шахсан кўздан кечириш, амалга оширилаётган ишларни қатъий назоратга олиш мақсадида “Ўзтрансгаз” АЖ Бошқарув раиси Бухоро вилоятининг Газли магистрал газ қувурлари бошқармасида бўлди. “Газли” компрессор станциясининг “ДКС-4” ва “ДКС-5А” цехларидаги газ ҳайдаш агрегатларини модернизация ва реконструкция ишларининг боришини кўздан кечирди.
Газли шаҳарчаси аҳолиси учун байрамолди байрам туҳфаси!
Газли шаҳарчаси аҳолиси ўртасида соғлом турмуш тарзини тарғиб қилиш, уларнинг спорт билан шуғулланиши учун шароитлар яратиш мақсадида шаҳарчадаги қаровсиз қолган Спорт мажмуаси замонавий спорт саройига айлантирилди. Тизим ёшларининг ўзларидан чиққан ташаббусни қўлла-қувватлаш, уни ҳаётга татбиқ этиш учун “Ўзтрансгаз” АЖ мутасаддилари мажмуани капитал таъмирлаб, замонавий жиҳозлар билан тўлдирди. Бугун бу ерда футбол, волейбол, бокс ва бошқа спорт турлари билан шуғулланиш учун барча шароитлар ҳозир.
Замонавий, барча шарт шароитларга эга спорт комплексининг очилишида сўзга чиққан Жамият бошқарув раиси юртимиз мустақиллиги олдидан шаҳарча аҳолиси учун муносиб совға бўлганини таъкидлади.
“Ўзтрансгаз” АЖ Матбуот хизмати
479
