2019 йил 1-4 октябр кунлари Санкт-Петербургда бўлиб ўтган IX халқаро газ форуми доирасида «Ўзбекистон куни» ташкил этилиб, унда мамлакатимизнинг табиий бойликлари, ўзига хослиги ва ранг-баранглиги намойиш этилди.
Географияси, диққатга сазовор жойлари, табиий заҳиралари, саноат салоҳияти ва ҳаёти, ривожланишининг бошқа жиҳатлари билан таништириш имкониятига эга бўлган Ўзбекистоннинг миллий стенди етакчи саноат корхоналари вакилларидан иборат тадбир иштирокчилари ва меҳмонларининг диққатини жалб этди. Меҳмонлар, шунингдек ўзбек меваларидан татиб кўриш, ўзига хос эсдалик совғаларини олиш имкониятига ҳам эга бўлдилар.
Форум меҳмонлари стенд экспозициялари билан танишишдан ташқари, ўзбек миллий таомлари, шу билан бирга ўзбек палови ва ўзбек эстрада хонандаларининг концертларидан иборат маданий дастурдан ҳам баҳраманд бўлдилар.
Маданий дастур доирасида иштирокчилар таниқли ўзбек хонандалари Севара Назархон, Милена Мадмусаева ва «Ялла» гуруҳи, «Ўзбекистон» миллий рақс гуруҳининг чиқишларидан баҳраманд бўлдилар.
Шунингдек, форум доирасида «Ўзбекнефтгаз» АЖ раиси Баҳодир Сидиқовнинг «Ўзбекистон ва Россия нефть-газ компанияларининг стандартлаштириш ва мувофиқлаштиришни баҳолаш» мавзусидаги чиқиши тақдим этилди.
«Ўзбекистон куни», шубҳасиз, IX Санкт-Петербург халқаро форумининг энг ёрқин воқеаларидан бири бўлиб, мавжуд алоқаларни кенгайтириш ва ўзаро манфаатли янги алоқаларни ривожлантиришга хизмат қилади.
Қайд этиш керак, Санкт-Петербург халқаро газ форуми Россия Федерациясининг нефть-газ саноати соҳасидаги энг йирик тадбир бўлиб, унда йирик нефть-газ компаниялари раҳбарлари, инновацион марказлар ва дизайн институтлари раҳбарлари, экспертлар, академиклар, ихтисослашган университетлар ҳамда илмий-тадқиқот институтлари раҳбарлари учун долзарб масалаларни муҳокама қилиш учун қулай майдонча вазифасини ўтади. Мазкур тадбирда 55 та мамлакатдан 30 мингдан ортиқ киши иштирок этди.
1179
