2021 йил 20 июлдан 20 августга қадар “МЭИ” Миллий тадқиқот университетининг Тошкент шаҳридаги филиалида (Москва энергетика институти) абитуриентларнинг ҳужжатлари онлайн шаклда (qabul.mpei.uz сайти орқали) қабул қилинади.
Тасдиқланган квоталарга кўра, 2021/2022 ўқув йили учун мазкур университетга кундузги бўлимда – 350 нафар ва Сиртқи бўлимда – 150 нафар талабалар қабул қилинади.
Талабалар 7 та бакалавриат таълим йўналиши бўйича қабул қилинади:
- Иссиқлик энергетикаси ва иссиқлик техникаси (ихтисослиги: автоном энергетика тизимлари, саноат иссиқлик энергетикаси, иссиқлик электр станциялари);
- Электр энергетика ва электр техника (ихтисослиги: электр энергетика тизимлари ва тармоқлари, электр станциялари);
- Гидроэнергетика;
- Иқтисодиёт (ихтисослиги: корхона ва ташкилотлар иқтисодиёти, бухгалтерия ҳисоби, таҳлил ва аудит);
- Менежмент (Корхона ва ташкилотларни бошқариш);
- Электроника ва наноэлектроника (ихтисослиги: микроэлектроника ва қаттиқ жисмли электроника);
- Техник тизимларда бошқариш (Автоматлаштириш ва бошқариш тизимлари ва техник воситалари);
- Техника тизимларида менежмент ва информатика;
- Сифат назорати.
Талабалар “электроника ва наноэлектроника” йўналишидан ташқари 6 та йўналиш бўйича сиртқи бўлимларга қабул қилинади.
“МЭИ” Миллий тадқиқот университетининг Тошкент шаҳридаги филиалига кириш имтиҳонлари 2021 йил 23-30 август кунлари этиб белгиланган ва Москва шаҳридаги бош университетдан келган масъул вакиллар томонидан ўтказилади. Имтихонлар ўтказилишининг аниқ кунлари ва жойи Москва шаҳридаги бош университет вакиллари билан келишилган ҳолда белгиланади.
Ўзбекистон Республикаси
Энергетика вазирлиги Матбуот хизмати
1216
