Истеъмолчиларни электр энергияси, табиий ва суюлтирилган газ билан таъминлаш сифатини ошириш мақсадида олиб борилаётган модернизация ва реконструкция ишлари: 24 июль куни амалга оширилган ишлар — айрим ҳудудлар мисолида.
Андижон вилояти:
Андижон шаҳар “Ишчилар” МФЙ Пахтаобод кўчаси 11 дона темир бетон таянч ҳамда 250 кВА қувватга эга трансформатор пункти олиб келиб ўрнатилди.
“Обод қишлоқ” ва “Обод маҳалла” дастурлари доирасида Пахтаобод туман “Қорақўрғон” МФЙ ҳудудига 30 дона темир бетон таянчлар ўрнатилди. Шунингдек, 160/10 кВА қувватга эга трансформатор пункти ўрнатилди. Шу кунга қадар 300 м СИП кабел тармоқлари тортилди. Ҳозирда яна 7,2 км электр узатиш тармоқлари қуриш режа асосида амалга оширилмоқда.
Наманган вилояти:
Наманган шаҳар, янги Наманган тумани ҳудудида жойлашган "Қўқимбой" УНЭС балансидаги 6 кВлм "Насос-3" тармоғини назоратдан ўтказилмоқда.
Наманган шаҳар "Озод" МФЙ ҳудудида жойлашган кўп қаватли уйлар, шунингдек "Янгиқурилиш" маҳалла фуқаролар йиғинидаги эскирган юқори кучланишли кабель тармоқларини янгисига алмаштириш учун 30 дона темир-бетон таянч олиб келинди.
Бугунги кунда умумий 47 мингдан ортиқ истеъмолчиларга хизмат кўрсатувчи Янгиқўрғон тумани электр таъминоти корхонасига қарашли 730 та трансформатор пунктларида концентраторлар мавжуд. Улардан кунлик кўрсаткичлар олинади. Айнан мини дата центрларда махсус ҳодимлар мазкур кўрсаткичлар таҳлили билан шуғулланадилар.
Навоий вилояти:
Вилоят бўйича табиий ва суюлтирилган газ билан таъминланадиган 237 минг 822 та аҳоли хонадонлари мавжуд. Улар 385 минг 594 та газ жиҳозидан фойдаланишмоқда. Ҳудудларга бириктирилган чилангарлар жорий йилнинг 6 ойи давомида тегишли шартнома асосида 96 минг 593 та газ жиҳозига техник хизмат кўрсатиб, хавфсизлигини таъминлашди.
Масъуллар томонидан мавжуд газ приборларининг яроқли эканлигини доимий назоратдан ўтказилади.
Қизилтепа туманида истеъмолчиларга “ақлли” ҳисоблагичларни ўрнатиш ишлари давом этмоқда. Ҳозиргача туманнинг “Айрончи”, “Сўфиён”, “Буюк ипак йўли”, “Маликобод”, “Узилишкент”, “Оқработ”, “Гулбоғ” маҳаллаларига ҳисобдонлар тўлиқ ўрнатиб бўлинди.
Тошкент вилояти:
Оҳангарон тумани электр таъминоти корхонаси ишчилари ёзнинг жазирамасида ҳам эксплуатация ишларини тўҳтатганлари йўқ, ҳозирги вақтда режа асосида навбатдаги маҳалла худудида улар томонидан темир бетон устунларни ўрнатиш ишлари олиб борилмоқда.
Чирчиқ шаҳар "Ифтиҳор" МФЙ худудида кенг кўламли қурилиш монтаж ишлари олиб борилмоқда.
Янгийўл шаҳар "Янгийул ШТ" устачилик бўлими ишчилари томонидан эскирган яроқсиз ҳолатга келган ёғоч устунларни темирбетон устунларга алмаштириш олиб борилмоқда.
Фарғона вилояти:
Фарғона туманидаги Тоштепа қишлоғига 35 дона янги темир-бетон таянчлар олиб келинди.
Хоразм вилояти:
Обод” қишлоқ дастури доирасида Шовот тумани “Маданият” маҳалласида электр энергияси паст даражада етиб борадиган кўчаларга юқори кучланишли янги трансформаторлар ўрнатилди.
460
