Истеъмолчиларни электр энергияси, табиий ва суюлтирилган газ билан таъминлаш сифатини ошириш мақсадида олиб борилаётган модернизация ва реконструкция ишлари: 27 июль куни амалга оширилган ишлар — айрим ҳудудлар мисолида.
Сурхондарё вилояти:
Истеъмолчиларни сифатли ва барқарор электр энергияси билан таъминлаш мақсадида Сурхондарё вилоятига қувати 25 000 кВА бўлган янги замонавий куч трансформатори олиб келинди.
Ушбу куч трансформатори Жарқўрғон туманида жойлашган, 8 246 дан ортиқ аҳоли ҳамда 317 та юридик истеъмолчиларини электр энергияси билан таъминловчи “Жарқўрғон” нимстанциясига ўрнатилди.
Нимстанциядаги мавжуд 16 000 кВА қуввтдаги куч трансформаторининг янги 25 000 кВА куч трансформаторига алмаштирилиши натижасида нимстанциянинг мавжуд қувватига 9 000 кВА қўшимча қувват ортишига эришилади.
Фарғона вилояти:
Қўқон шаҳар электр таъминоти корхонаси томонидан Қўқон шаҳри “Ноиб кўприги” МФЙ ҳудудида жойлашган 230–сонли трансформатор пунктини ҳамда элекр узатиш тармоқларини ҳам тўлиқ мукаммал таъмирлаш ишлари бажарилмоқда.
Жумладан, тармоқни дарахт шоҳларидан тозалаш, салқи симлар таранглигини тортиш, таянчларни тик ва соз ҳолатга келтириш ҳамда носоз электр қурилмаларини янгисига алмаштириш ишлари олиб борилмоқда.
Фарғона шаҳрининг “Ипак йўли” МФЙ ҳудудига шу кунга қадар қуввати 400 кВА бўлган, янги трансформатор пункти олиб келиб ўрнатилди. Бундан ташқари, ҳудудга мутаҳассислар томонидан янги электр узатиш тармоғини тортиш учун 25 тага яқин янги темир-бетон таянчларини ўрнатилди.
Эндиликда электр узатиш тармоқларини тортиш ва якуний монтаж ишлари амалга оширилади.
Данғара туманининг “Уймавут” маҳалла фуқаролар йиғини қарашли “Шўрқишлоқ” қишлоқ ҳудудига олиб келинган янги темир-бетон таянчлари ва янги кабель тармоқлари тошриш ишлари бошланди.
Жиззах вилояти:
“Обод қишлоқ” ва “Обод маҳалла” дастурларига асосан Арнасой тумани, Тинчлик МФЙ ҳудудида темир-бетон таянч устунларини ўрнатиш ҳамда 0,4 кВли электр узатиш тармоқларини тортиш ишлари жадаллик билан олиб борилмоқда.
Ғаллаорол тумани, Бахт МФЙ ҳудудида 2021 йил Давлат дастури бўйича темир-бетон таянч устунларини ўрнатиш ишлари амалга оширилмоқда.
Зарбдор тумани, Равот МФЙ ҳудудида 2021 йил Давлат дастурини амалга ошириш учун 20 дона темир-бетон таянч устунлари олиб келинди.
Сурхондарё вилояти:
“Qumqo'rg'ontumangaz” газ таъминоти бўлими томонидан куз-қиш мавсумига тайёргарлик кўриш мақсадида, тумандаги жами 183 та газ тақсимлаш пунктларидан 51 таси таъмирланди ва буёқлаш ишлари бажарилиб, 1,6 км газ қувурларини бўёқлаш ишлари тўлиқ бажарилган.
Тумандаги “Боғора” маҳалласидан ўтган юқори босимли газ қувури ер устига чиқарилди ва тумандаги “Улуғбек” маҳалласидан ўтган газ қувурида монтаж ишлари олиб борилиб ер устига чиқариш ишлари олиб борилди.
Андижон вилояти:
Суюлтирилган газ таъминотига замонавий технологияларни жорий этиш орқали аҳолига қулайликлар яратиш борасида Андижон вилоятида шу кунга қадар 500 мингдан ортиқ маиший газ баллонларга махсус кодли стикерлар ўрнатилиб, барча истеъмолчилар ID карталар билан таъминланди.
Жумладан, Шаҳрихон туманининг “Навбаҳор” ҳамда Избоскан туманининг “Мангуберди” МФЙларида ҳам суюлтрилган газ онлайн тизим асосида тарқатилмокда.
461
