Жорий йилнинг 2 август куни Ўзбекистон Республикаси Вазирлар Маҳкамаси ҳузуридаги Идоралараро тариф комиссиясининг 7-сон йиғилиш баёни тасдиқланди.
Баённомага асосан қуйидагилар назарда тутилган:
- табиий газ учун ички тармоқ нархларини тасдиқлаш;
- электр энергиясини ишлаб чиқариш, узатищ, тақсимлаш ва сотиш учун ички тармоқ, шунингдек иссиқлик энергиясини ишлаб чиқариш тарифларини қайта кўриб чиқиш;
- истеъмолчилардан ва электр ҳамда иссиқлик энергиясини улгуржи сотувчилардан, шунингдек табиий газдан олинадиган маблағларни тақсимлаш тартибини қайта кўриб чиқиш.
Баённома билан, 2021 йил 1 августдан бошлаб, Нефтгаз-тармоғи ишлаб чиқарувчи корхоналари томонидан реализация қилинадиган табиий газ бўйича ички тармоқ нархлари ўртача 21 % (ҚҚС билан) га тушурилган ҳолда белгиланмоқда. Тарифларнинг қайта кўриб чиқилиши “Ўзтрансгаз”АЖ ва “Ҳудудгазтаъминот”АЖларнинг молиявий ҳолатини янада яхшилаш ва соғломлаштиришга хизмат қилади.
Шунингдек, баённомада электр энергиясини ишлаб чиқариш, узатиш, тақсимлаш ва сотиш учун ички тармоқ, шунингдек иссиқлик энергиясини ишлаб чиқариш тарифлари қайта кўриб чиқилган. Унга кўра электр энергиясини ишлаб чиқариш бўйича ички тарифлар ўртача 21,7 % га ўсган.
Бунга асосий сабаб валюта курсларининг ошиши, янги буғ-газ қурилмаларининг ўрнатилиши ҳисобига амортизацион ажратмалар ҳажмининг кўпайиши ва инфляция даражасининг ўсиши бўлиб қолмоқда.
Электр энергияни етказиб бериш ички тармоқ тарифлари ўртача 5,9 % га камайтирилмоқда, шунингдек тақсимлаш ва сотиш бўйича ички тармоқ тарифлари ўртача 4,5 %га ошмоқда.
Тақсимлаш ва сотиш бўйича тарифларнинг ўсишига сабаб реализация қилиш ҳажмининг ҳамда капитал қўйилмалар бўйича харажатларнинг ошганлигидир.
Электр энергиясини ишлаб чиқариш, узатиш, тақсимлаш ва сотиш учун ички тармоқ, шунингдек иссиқлик энергиясини ишлаб чиқариш тарифларига киритилган ўзгартиришлар, аввалроқ бу ҳақида оммавий ахборот воситаларида хабар берилганлигини инобатга олган ҳолда, жорий йилнинг 20 августидан эътиборан кучга кириши маълум қилинади.
Эслатиб ўтамиз, мазкур тарифлар ёқилғи-энергетика корхоналари учун ўзаро ҳисоб-китобларни амалга ошириш учун белгиланган бўлиб, ёқилғи-энергетикасининг якуний истеъмолчиларига (абонентларга) татбиқ этилмайди ҳамда газ ва электр энергиясининг истеъмол тарифига таъсир кўрсатмайди.
Ўзбекистон Ресрубликаси
Энергетика ваирлиши Матбуот хизмати
1394
