“Ўзэнергоинспекция” Жиззах ҳудудий бўлими томонидан Халқ депутатлари Ғаллаорол туман Кенгаши депутати Р.Ҳандамовнинг Энергетика вазирлигига юборган 11-сонли Жиззах вилояти, Ғаллаорол тумани, Гулистон ҚФЙ, Абдукарим қишлоғи аҳоли хонадонларини электр таъминотининг сифатини яхшилаш мақсадида депутатлик сўровига асосан ўрганиш ўтказилди.
Мазкур сўровномада “Обод маҳалла” Давлат дастури доирасида трансформатор пункти ва янги темир бетон таянчларини ўрнатиш ҳамда электр энергиясида бўлиб келаётган муаммоларни бартараф этиш кўрсатиб ўтилган.
“Ўзэнергоинспекция” Жиззах ҳудудий бўлими олиб борилган ўрганишларда “Жиззах ҲЭТК” АЖ томонидан 0,4-6-10 кВ кучланишли электр тармоқларини янгилаш ва модернизация қилиш бўйича 2021 йил давомида амалга ошириладиган ишларнинг манзилли рўйхатига асосан Ғаллаорол тумани, Гулистон ҚФЙ, Абдукарим қишлоғидаги мавжуд трансформаторнинг юкламасини енгиллаштириш учун бир дона 100 кВА қувватли трансформатор пункти ўрнатилиши, узунлиги 7 км бўлган 0,4 кВ ҳамда узунлиги 1 км бўлган 10 кВ кучланишли ҳаво тармоғи қурилиши режалаштирилган.
Инспекция ҳудудий бўлими томонидан ўрганиш натижаларига асосан 2021 йил 26 июль куни “Жиззах ҲЭТК” АЖга тегишли тартибда “Ёзма кўрсатма” киритилди. 2021 йил 2 август куни “Жиззах ҲЭТК” АЖ омборхонасидан Ғаллаорол тумани, Гулистон ҚФЙ, Абдукарим қишлоғидаги мавжуд трансформаторнинг юкламасини енгиллаштириш учун 160 кВА қувватли трансформатор пункти ажратилди ва қурилиш-монтаж ишлари тез орада якунланиши бўйича ишлар назоратга олинди.
“Ўзэнергоинспекция” Матбуот хизмати
655
