Истеъмолчиларни электр энергияси, табиий ва суюлтирилган газ билан таъминлаш сифатини ошириш мақсадида олиб борилаётган модернизация ва реконструкция ишлари: 18 август куни амалга оширилган ишлар — айрим ҳудудлар мисолида.
Бухоро вилояти:
Жондор туманида бугунги кунга қадар 6 мингдан ортиқ ҳисоблагич ўрнатилди. Амалий ишлар эса босқичма-босқич давом этмоқда.
Жондор туманида 5 та газ маромлаш қурилмалари тўлиқ таъмирланди. 678 таси эса тафтиш қилинди. 13 км газ қувурлари бўёқланди.
Тумандаги “Демон” МФЙ Кўча қишлоғидаги 5 та газ маромлаш қурилмаларини техник тафтишдан ўтказишмоқда, бўёқлаш ишларини олиб боришмоқда. Қишлоқда истиқомат қилувчи 330 нафар истеъмолчи учун энди табиий газ таъминоти яхшиланадиган бўлди.
Наманган вилояти:
Жорий йил бошидан ҳозирга қадар Чортоқ тумани аҳолисига 2507 тонна суюлтирилган газ етказиб берилди.
Суюлтирилган газ назорати ва ҳисобини юритишни автоматлаштирилган тизимга ўтказиш мақсадида эса чортоқликларга 22 300дан ортиқ ID-карталар тарқатилиб, унинг афзалликлари истеъмолчилар орасида кенг тарғиб қилинмоқда.
Тошкент шаҳар:
Жорий йилнинг 17 августига қадар Тошкент шаҳрида табиий газ ҳисоби ва назоратининг автоматлаштирилган тизимини жорий этиш хизмати бўлими томонидан 124 450 та табиий газ истеъмолчилари хонадонларига электрон газ ҳисобдонлари белгиланган тартибда ўрнатилди.
Олмазор туманининг “Аллон” маҳалласи ҳудудида жойлашган қуввати 10 кВ бўлган юқори кучланишли 4199-сонли трансформатор пунктининг 1-секциясига янги трансформатор ўрнатилди.
Бундан ташқари, тумандаги “Гузарбоши” МФЙнинг Ҳуррият кўчасидаги ҲЛ-04 кВ қувватли электр узатиш ҳаво тармоқларидаги 15 тадан ортиқ ёғоч устунлар темир-бетон устунларига алмаштирилди.
Андижон вилояти:
Андижон тумани ҳамда Олтинкўл тумани истеъмолчиларига сифатли электр энергияси етказиб бериш ва куз-қиш мавсумига тайёргарлик кўриш мақсадида 110/35/10/6 кВ Обод подстанциясида тўла таъмирлаш ишлари амалга оширилмоқда.
“Обод қишлоқ” ва “Обод маҳалла” дастурларига асосан, Асака шаҳрининг “Озод” МФЙ Сойбўйи кўчасида 445-сонли трансформатор пунктида мукаммал таъмирлаш ишлари ҳамда 600 метр узунликдаги юқори кучланишли тармоқ тортиш ишлари олиб борилмоқда.
Шунингдек, “Нурафшон” МФЙ ҳудуддида янги қуввати 100 кВА бўлган трансформатор пункти ишга туширилди. Бундан ташқари “Деватаги” МФЙ да 0,4 кВ ҳаво тармоғида 700 метр узунликда СИП кабел тортиш ишлари бажарилди.
Келгусида 200 дан ортиқ аҳоли хонадонларининг электр энергияси яхшиланишига эришилади.
Сирдарё вилояти:
Сайхунобод туманидаги 245 ва 314 трансформатор пунктларида мукаммал таъмирлаш ишлари олиб борилиб яроқсиз ҳолга келиб қолган ускуналар янгисига алмаштирилди.
Жиззах вилояти:
Жиззах вилоятининг Мирзачўл тумани, Янгидала ҚФЙ ҳудудида 2021 йил Давлат дастури бўйича 0,4 кВли электр узатиш ҳаво тармоқларини тортиш ишлари амалга оширилмоқда.
Ғаллаорол тумани, Бахт МФЙ ҳудудида 2021 йил Давлат дастури бўйича 0,4 кВли электр узатиш ҳаво тармоқларини тортиш ишлари амалга оширилмоқда.
471
