Жорий йилнинг 23-24 август кунлари Энергетика вазирлиги ва “ЛУКОЙЛ” компанияси томонидан Оммавий ахборот воситалари вакиллари иштирокида Қашқадарё вилоятининг Деҳқонобод туманидаги “Ҳисор конлари гуруҳи”да газни қазиб олиш ва уни тозалаш каби ишларни амалга оширувчи қатор объектларга пресс-тур ташкил қилинди.
“Ҳисор” лойиҳаси Қашқадарё вилоятидаги 7 та конни ўз ичига олади. 2017 йилда “Гумбулоқ” ва “Одамтош” конларида асосий ишлаб чиқариш ва технологик объектларни ишга туширилди. “Одамтош” газ газни тозалаш мажмуаси (ГТМ) ишга туширилди ва 1,8 миллиард куб метр қувватига эга “Одамтош” кучайтиргич компрессор станцияси (ККС) қурилиши якунланди. 2018 йилда газ қазиб олишнинг лойиҳавий даражаси йилига 5,0 млрд.га эришилди.
Лойиҳа доирасида 300 км юқори кучланишли электр узатиш тармоқлари, иккита подстанцияси, 126 км кириш йўллари ҳам қурилди.
Пресс-турда таъкидланганидек, Ўзбекистон Республикаси ва “ЛУКОЙЛ” компанияси ўртасида 2007 йилда “Жануби-Ғарбий Ҳисор ва Ўзбекистон Республикасининг Устюрт ҳудудларидаги конлар учун маҳсулот тақсимоти тўғрисидаги битим” имзоланди. 2008 йилнинг март ойида “ЛУКОЙЛ” Жанубий-Ғарбий Ҳисор лойиҳасига кирди ва Қашқадарё вилоятидаги Ҳисор конлари гуруҳини ривожлантиришни бошлади.
Тижорат гази, шартнома шартларига кўра, Шўртан газни қайта ишлаш заводига (“Ўзбекнефтгаз” АЖ) кислотали компонентлардан тозалаш ва қимматбаҳо маҳсулотлар (пропан-бутан фракцияси) қазиб олиш мақсадида етказиб берилади.
“ЛУКОЙЛ” нинг Жануби-Ғарбий Ҳисор лойиҳасини амалга оширишга киритган инвестициялари ҳажми 1,6 млрд доллардан ошди.
Қайд этиш керакки, журналистлар бу ерда истиқомат қилаётган ўқувчиларининг мактабга хавфсиз ва қулай қатнашлари учун шароит яратиш мақсадида Деҳқонобод туманидаги “Откамар” қишлоғи аҳолиси мурожаатига асосан компания томонидан автомобил йўли бўйлаб қурилган пиёдалар йўлакчаси билан ҳам танишдилар. Бундай ижтимоий ташаббуслар чекка ҳудудлар аҳолисини ҳар томонлама қўллаб-қувватлашга қўшилаётган ҳиссанинг намунасидир. Мамлакат энергетика соҳасида фаолият юритаётган инвесторлар, компаниялар ва ташкилотлар томонидан бундай ижтимоий лойиҳалар доимий равишда амалга ошириб борилмоқда.
672
