Истеъмолчиларни электр энергияси, табиий ва суюлтирилган газ билан таъминлаш сифатини ошириш мақсадида олиб борилаётган модернизация ва реконструкция ишлари: 25 август куни амалга оширилган ишлар — айрим ҳудудлар мисолида.
Наманган вилояти:
Аҳолини бир меъёрда табиий газ билан таъминлаш мақсадида “Янгиқўрғонтумангаз” газ таъминоти бўлими томонидан тумандаги 339 та газ тақсимлаш қурилмалари техник тафтишдан ўтказилиб, қайта таъмирланди. 5,5 км газ тармоқлари эса бўёқланди. Тумандаги 7,5 км газ қувурларини босим остида зичликка синаш ва ҳаво босими ёрдамида тозалаш ишлари амалга оширилди.
Андижон вилояти:
Марҳамат туманидаги “Узумзор” маҳалла истеъмолчиларига суюлтирилган газ етказиб беришнинг онлайн тизимга ўтиш муносабати билан маҳалладаги барча истеъмолчилар тўла ID-карта ва уларнинг 410 дона маиший газ баллонлари бар-кодли ёрлиқлар билан таъминланган. Йил бошидан бери ушбу МФЙ истеъмолчиларига 45,44 тонна суюлтирилган газ етказиб берилган бўлиб, амалда белгиланган режа 118 фоизга бажарилмоқда.
Бухоро вилояти:
Бухоро вилоятида кунига 40 дан ортиқ маҳалла фуқаролар йиғини аҳолисига маиший газ баллонлари етказилмоқда.
Жиззах вилояти:
Зомин тумани, Ёшлик МФЙ ҳудудида “Обод маҳалла” дастури бўйича 2 дона янги трансформатор ўрнатилди. 250 дан ортиқ янги темир бетон устунлар ўрнатилди ва 13,5 км янги СИП русумидаги электр тармоқлари тортилди.
Қашқадарё вилояти:
“Обод маҳалла” дастури доирасида Шаҳрисабз шаҳрининг Яшил Диёр МФЙ ҳудудида 7 км янги СИП русумидаги электр тармоқлари тортилди, 128 дона янги темир бетон устунлар ўрнатилди ва 1 дона янги трансформатор ўрнатилди.
Тошкент шаҳар:
“Обод маҳалла” дастури доирасида Юнусобод туманининг “Қўшчинор” маҳалласидаги эски ёғоч устунлар олиб ташланиб, ўрнига 30 дона янги темир бетон устунлар ўрнатилди. 10 км дан ортиқ янги СИП русумидаги электр тармоқлари тортилди. Шунингдек, ушбу маҳалла ҳудудидаги қуввати 0,4 кВ бўлган паст кучланишли эски трансформатор ўрнига қуввати 10 кВ бўлган юқори кучланишли янги замонавий трансформатор ўрнатиш ишлари олиб борилди.
“Обод маҳалла” дастури асосида Учтепа туманидаги қуввати 10 кВ бўлган юқори кучланишли 2608-сонли трансформатор подстанциясида мукаммал таъмирлаш ишлари амалга оширилмоқда. Шунингдек, трансформатор пунктини бўёқлаш, мой сатҳини меъёрлаштириш, электр узатиш симларини тартибга келтириш, носоз электр қурилмаларни янгисига алмаштириш ишлари бажарилмоқда.
Сирдарё вилояти:
Сайхунобод кичик саноат зонаси фаолиятини бошлаши учун электр тармоғи тортиш ишлари бошланган.Ушбу ҳудудга қуввати 1000 кВА бўлган 2 дона трансформатор пункти ва 29 дона 10 кВ ли темир бетон устунлари ўрнатиш режалаштирилган.
Бугун кичик саноат зонаси 10 кВ ли темир бетон таянчлари ўрнатиш ишлари олиб борилди.
517
