Бугун, 31 август куни “Иссиқлик электр станциялари” АЖда Президентимизнинг фармонига мувофиқ Ватанимиз мустақиллигининг 30 йиллик байрами арафасида давлатимиз иқтисодиёти ва аҳоли фаровонлигини юксалтиришда фидойилик кўрсатган, хусусан, электр энергетикаси тизимини янада юксалтиришда алоҳида ҳисса қўшган ходимларга “Ўзбекистон Республикаси мустақиллигининг 30 йиллиги” эсдалик нишонини тантанали топширишга бағишланган байрам тадбири бўлиб ўтди.
“Иссиқлик электр станциялари” АЖ Бошқаруви раиси Фарҳод Абдураҳмонов Янги Ўзбекистонни барпо этиш, уни янада ривожлантириш мақсадида электр энергетикаси соҳаси вакиллари олдида турган устувор вазифаларга тўхталиб, соҳа олдида турган пировард мақсад Президентимиз таъбири билан айтганда халқ розилиги ва юртимиз фаровонлигини таъминлаш эканлигини таъкидлади.
Тадбирда Ўзбекистоннинг мустақиллик йилларида, хусусан сўнгги беш йилда электр энергетикаси соҳасида қўлга киритилган ютуқлар, Янги Ўзбекистонни барпо этиш йўлидаги ислоҳотлар мазмун-моҳияти, аҳамияти ҳақида сўз борди.
Шунингдек, тантанали тадбир доирасида жорий йилда умумтаълим мактабларнинг 1-синфига ўқишга бораётган Жамият ишчи-хизматчиларнинг фарзандларига ўқув анжомлари ва эсдалик совғалари топширилди.
“Иссиқлик электр станциялари” АЖ Матбуот хизмати.
758
