Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 7 sentyabr kuni amalga oshirilgan ishlar — ayrim hududlar misolida.
Surxondaryo viloyati:
Sho‘rchi tumanida 52 ta mahallalardagi 38 491 ta xonodonlarga tasdiqlangan reja-grafik bo‘yicha suyultirilgan gaz mahsuloti yetkazib beriladi. O‘tgan 2020 yil yanvar-dekabr oylarida tuman aholisiga 5856,88 tonna suyultirilgan gaz yetkazib berildi.
2021 yil iyul oyida 528,03 tonna suyultirilgan gaz ajiratilgan bo‘lib iyul oyi yakuni bo‘yicha 475,74 tonna suyultirilgan gaz mahsuloti yetkazib berilgan. Aholi xonadonlariga olib berilgan “Zangori olov” miqdori 329,3 tonnani tashkil etadi.
Buxoro viloyati:
Peshko‘ tumanida 8 877 nafar tabiiy gaz iste’molchisi istiqomat qiladi. Ularga uzluksiz tabiiy gazni yetkazib berish maqsadida soha vakillari tomonidan tumanning 8 mingga yaqin (95 foiz) tabiiy gazdan foydalanuvchi aholi xonadonlariga bugun zamonaviy hisoblagichlar o‘rnatildi.
Andijon viloyati:
Andijon shahrining “Sho‘rbuloq” MFY, I.Karimov ko‘chasidagi aholi xonadonlarini ta’minlovchi 763/250 kVA transformatordan chiquvchi 0,4 kV elektr uzatish tarmog‘idagi tomma-tom tortilgan tarmoq o‘rniga yangi temir beton tayanch o‘rnatish maqsadida 8 dona o‘rnatilgan temir betonlarga SIP kabel tortish ishlari amalga oshirilmoqda.
Shuningdek, “Navbahor” MFY, E.Ashurov ko‘chasidagi aholi xonadonlarini ta’minlovchi TP 391/630 kVA transformatordan chiquvchi 0,4 kV havo tarmog‘ini rekonstruksiya qilish maqsadida temir beton tayanchlar o‘rnatish uchun chuqur kovlash ishlari olib borilmoqda.
Bundan tashqari ushbu ko‘chadagi aholi xonadonlarini elektr energiyasi bilan ta’minlovchi 391/630 kVA transformatordan chiquvchi 0,4 kV havo tarmog‘ini rekonstruksiya qilish maqsadida 7 dona temir beton tayanchlar olib kelindi.
Jizzax viloyati:
2021-2022 yillar kuz-qish mavsumiga tayyorgarlik bo‘yicha tasdiqlangan reja asosida joriy va mukammal ta’mirlash ishlari amalga oshirilmoqda. Xususan, Zafarobod tuman elektr ta’minoti korxonasi xodimlari tomonidan “Birlik” QFY hududidagi 2 dona transformator punktlari mukammal ta’mirdan chiqarildi.
428
