Toshkent davlat texnika universitetida (TDTU) energetik talabalari uchun innovatsion o‘quv markazi ochiladi. Bugun, 2021 yil 8 sentyabr kuni TDTU va “Siemens Еnergy AG” kompaniyasi o‘rtasida tegishli bitim imzolash marosimi bo‘lib o‘tdi.
Shu maqsadda energetika sohasi uchun innovatsion o‘quv markazlarini yaratish, shu jumladan, kadrlar tayyorlash va o‘qitishda hamkorlik masalalari joriy yilning aprel oyida O‘zbekiston Respublikasi Energetika vazirligi va “Siemens Еnergy AG” o‘rtasida imzolangan Anglashuv memorandumi, shuningdek, qo‘shma loyihalarni amalga oshirish “yo‘l xaritasi”da nazarda tutilgan.
Toshkent davlat texnika universiteti – O‘zbekistondagi eng qadimiy universitetlardan biri hisoblanadi. Faqat energetika fakultetining o‘zida elektr energiyasi; elektrotexnika, elektromexanika, elektr texnologiyasi, sanoat korxonalarining energiya auditi, energiya nazorativa muqobil energiya manbalari sohalarda ta’lim olish mumkin.
TDTU energetika fakultetini innovatsion o‘quv markazi bilan jihozlash talabalarga eng zamonaviy texnologiyalarni, jumladan energiyani tejash, qayta tiklanuvchi va vodorod energiya manbalari kabi dolzarb sohalarni o‘zlashtirish, energetika sohasini rivojlantirish bo‘yicha o‘z g‘oyalarini muhokama qilish va amalga oshirish imkonini beradi.
O‘zbekiston Respublikasi
Energetika vazirligi Matbuot xizmati
1245
