Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 8 sentyabr kuni amalga oshirilgan ishlar — ayrim hududlar misolida.
Toshkent viloyati:
Tasdiqlangan reja-jadvalga asosan, Yangiyoʻl tumanidagi 13,85 km gaz quvurlari tartibga keltirildi va boʻyoqlandi. 301,3 km gaz quvuri bosim ostida sinaldi, 692 dona gaz taqsimlash nuqtalari taftishdan oʻtkazildi hamda xonadonlardagi 13800 dona dudburonlar sozligi tekshirildi.
Isteʼmolchilar gaz sarfini hisoblashda “Tabiiy gaz hisobi va nazoratini yuritishda avtomatlashtirilgan tizimi”ni joriy etish maqsadida, tumandagi 25966 ta aholi xonadonlariga zamonaviy elektron gaz hisoblash uskunalari oʻrnatildi.
Surxondaryo viloyati:
Surxondaryo viloyatidagi barcha toifadagi iste’molchilarga tabiiy gazni hisobga olishni nazorat qilishning avtomatlashtirilgan tizimini (ASKUG) keng joriy etish ishlari olib borilmoqda.
Qashqadaryo viloyati:
Mirishkor tumani Pomuq shaharchasining elektr ta’minotini tubdan yaxshilash maqsadida 4 ta yangi transformator va 117 ta yangi temir beton ustunlari o‘rnatilishi rejalashtirilgan. Bugun belgilangan ishlarning amaliy ijrosi sifatida dastlabki transformator olib kelib o‘rnatildi.
Andijon viloyati:
Andijon shahri “Chinobod” ko‘chasida joylashgan 110/35/6 kV kuchlanishli “Yayilma” podstansiyasidagi transformatorlarning quvvatlari oshirilmoqda.
Andijon viloyati iste’molchilariga sifatli va uzluksiz elektr energiya yetkazib berish uchun “O‘zgarish” podstansiyasidan katta quvvatli (quvvati 200 ming kVA) bo‘lgan avtotransformator Andijon tumanidagi “XAKAN” podstansiyasi quvvatini oshirish maqsadida olib kelindi.
Jizzax viloyati:
Zafarobod tumani, Birlik QFY, Olmazor MFY, Nurobod ko‘chasida 0,4 kVli elektr uzatish tarmoqlari uchun temir-beton tayanch ustunlarini o‘rnatish va yangi SIP rusumidagi izolyasion kabellar tortish ishlari amalga oshirilmoqda.
2021-2022 yillar kuz-qish mavsumiga tayyorgarlik bo‘yicha Forish tuman elektr ta’minoti korxonasi tomonidan “Oq-tepa” MFY hududidagi 100 kVAli transformator punkti mukammal ta’mirlandi.
673
