Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 9 sentyabr kuni amalga oshirilgan ishlar — ayrim hududlar misolida.
Toshkent shahri:
2021-2022 yillar kuz-qish mavsumiga tayyorgarlik ko‘rish, uni betalofat o‘tkazish, shuningdek, tabiiy gaz iste’molchilari xavfsizligini ta’minlash maqsadida, “Uchtepatumangaz” gaz ta’minoti tomonidan Lutfiy ko‘chasida joylashgan yer osti 108 mm gaz quvurlari ta’mirlanmoqda.
Samarqand viloyati:
Ayni kunlarda Samarqand viloyatining barcha tumanlarida tasdiqlangan jadvallarga ko‘ra, iste’molchilarning ichki gaz tarmoqlari va tabiiy gazdan foydalanish jihozlariga profilaktik xizmatlar ko‘rsatilmoqda. Ish jarayonida gaz idoralari xodimlari fuqarolarga is gazidan zaharlanishni oldini olish bo‘yicha tushunchalar berishmoqda.
Buxoro viloyati:
Vobkent tumanida yil boshidan to yakuniga qadar 28 920 ta uy ichi gaz jihozini texnik ko‘rikdan o‘tkazish belgilab qo‘yilgan bo‘lib, bugungacha esa 18 866 ta uy ichi gaz jihoziga xizmat ko‘rsatildi.
Jizzax viloyati:
Jizzax shahar, Bunyodkor MFY, Samarqand ko‘chasida elektr uzatish tarmoqlari uchun temir-beton tayanch ustunlarini o‘rnatish, 0,4 km 10 kVli va 0,3 km 0,4 kVli elektr uzatish tarmoqlarini tortish amalga oshirildi.
2021-2022 yillar kuz-qish mavsumiga tayyorgarlik bo‘yicha tasdiqlangan reja asosida Zarbdor tuman elektr ta’minoti korxonasi tomonidan 35/10 kV nimstansiyasidan chiquvchi 10 kVli “Oqar” havo tarmog‘iga ulangan quvvati 63 kVA bo‘lgan 297-sonli transformator punkti mukammal ta’mirdan chiqarildi.
450
