Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 10 sentyabr kuni amalga oshirilgan ishlar — ayrim hududlar misolida.
Surxondaryo viloyati:
Ayni kunlarda Surxondaryo viloyatida kuz-qish mavsumiga tayyorgarlik ishlari qizg‘in davom etmoqda. Joylarda gaz taqsimlash va maromlash qurilmalarininig ayrimlari rejaga ko‘ra, taftishdan o‘tkazilayotgan bo‘lsa, ayrimlari joriy va mukammal ta’mirlanmoqda.
Jumladan, Termiz shahar “Do‘stlik” mahalla fuqarolar yig‘inida joylashgan o‘rta bosimli gaz maromlash qurilmalari to‘liq taftishdan o‘tkazildi va bo‘yoqlandi.
Namangan viloyati:
Bugungi kunda suyultirilgan gaz hisobini yuritishda avtomatlashtirilgan nazorat tizimini tadbiq qilish maqsadida tizimli ishlar amalga oshirilmoqda. Bu borada “Uychitumangaz” gaz ta’minoti bo‘limi tomonidan tumandagi 30 117 nafar ist’molchilar ID kartalar bilan ta’minlandi.
Uychi tumanida 10 347 nafar tabiiy gaz iste’molchilari mavjud bo‘lib, shundan 3 250 dan ortiq aholi xonadonlariga “aqlli” hisoblagich o‘rnatildi.
Samarqand viloyati:
Samarqand viloyati bo‘yicha 2021-2022 yil kuz-qish mavsumiga tayyorgarlik ko‘rish rejasiga ko‘ra, 4,9 km gaz quvurlarni mukammal ta’mirlash, 6,5 km gaz quvurlarni rekonstruksiya qilish ishlari rejalashtirilgan bo‘lib, bugungacha 2, 73 km gaz quvurlari mukammal ta’mirlandi, 6,3 km gaz quvurlari rekonstruksiya qilindi.
Toshkent shahar:
Olmazor tuman elektr ta’minoti korxonasi tomonidan tuman hududidagi turli quvvatdagi 1060, 1552 hamda 2792-sonli transformator punktlari mukammal ta’mirdan chiqarilib, mavsumga shay holatga keltirildi.
Bundan tashqari, har bir manzildagi mavjud elektr energiyasini taqsimlash punktlarida mukammal hamda joriy ta’mirlash ishlari olib borilmoqda. Kuz-qish mavsumiga tayyorgarlik ishlarida nafaqat transformator puntklarini ta’mirlash balki, 0,4 kV past kuchlanishli elektr uzatish tarmog‘idagi eski yog‘och ustunlarni yangi temir beton ustunlariga almashtirilmoqda.
Andijon viloyati:
“Obod qishloq” va “Obod mahalla” dasturlarini doirasida Andijon viloyatining Jalaquduq tumanining bir qancha mahallalarida qurilish, ta’mirlash ishlari olib borilmoqda.
413
