Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 13 sentyabr kuni amalga oshirilgan ishlar — ayrim hududlar misolida.
Toshkent shahar:
Joriy yilning 10 sentabriga qadar Toshkent shahrida tabiiy gaz hisobi va nazoratining avtomatlashtirilgan tizimini joriy etish xizmati bo‘limi tomonidan 129 612 ta tabiiy gaz istе’molchilari xonadonlariga elektron gaz hisobdonlari belgilangan tartibda o’rnatildi.
Samarqand viloyati:
Joriy yilda Samarqand viloyati bo‘yicha 3 849 ta hovli uylaridagi qozonxonalarga zamonaviy xavfsizlik avtomatikasi bilan jihozlangan energiya tejovchi yondirgichlar o‘rnatildi.
Xorazm viloyati:
Xorazm hududiy elektr tarmoqlari tomonidan viloyatda 2021 yil oxirigacha 730 km uzunlikdagi elektr uzatish tarmoqlari o‘tkazish rejalashtirilgan bo‘lsa, bugungi kun holatiga 402 km elektr uzatish tarmoqlari o‘tkazilgan.
Birgina Xonqa tumani “Katta kuch” mahallasida dastur asosida 160 kVA lik 1 ta, 250 kVA li 2 ta transformator o‘rnatildi. Bundan tashqari 8 km uzunlikdagi elektr uzatish tarmoqlari rekonstruksiya qilinib, 10-0,4 kV lik 12,8 km uzunlikdagi zamonaviy SIP kabellar va havo tarmoqlari tortildi.
Eskirgan yog‘och elektr ustunlarining 82 tasi yangi temir-beton ustunlarga almashtirildi.
Namangan viloyati:
Yuqori kuchlanishli 110 kVli tarmoq tayanchini almashtirish ishlari davom etmoqda.
Gaz sixatgohi hududidagi 10 kVli Nasos-2”, “Akril” hamda “Balon” tarmoqlari tayanchlarini boshqa joyga ko‘chirish ishlari davom etmoqda.
Bundan tashqari, Bunyodkor, Oromgoh ko‘chalari oralig‘ida katta qatnov yulidagi yangi qurilish ishlariga xalal beruvchi yuqori kuchlanishli 110 kVli “BNK-1-2” ankerlarini demontaj-montaj qilish davom etmoqda.
Yo‘l bo‘yida joylashgan eskirgan yog‘och tayanchlar yangi temir beton tayanchlarga almashtirilmoqda. Bundan tashqari yana shunday 5 ta ko‘chadagi tayanchlar yangisiga almashtirilish ishlari bajarilmoqda.
396
