Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 14 sentyabr kuni amalga oshirilgan ishlar — ayrim hududlar misolida.
Namangan viloyati:
2021-2022 yillar kuz-qish mavsumiga tayyorgarlik ko‘rish va mavsumni betalafot o‘tkazish maqsadida, “Uchqo‘rg‘ontumangaz” gaz ta’minoti bo‘limi tomonidan mavjud 26 ta gaz bosimini sozlovchi qurilmalar texnik taftishdan o‘tkazilib, shundan 2 tasi mukammal ta’mirlandi.
Yer usti gaz quvurlarini bo‘yash rejasi 4,1 km bo‘lib, hozirda 11,8 km gaz quvurlari bo‘yaldi. Tumandagi yer osti 10,4 km gaz quvurlarini bosim ostida zichlikka sinash va havo bosimi yordamida tozalash ishlari amalga oshirildi. 11,8 km yer usti gaz tarmoqlari esa bo‘yoqlandi.
Toshkent shahar:
Toshkent shahrida tabiiy gazdan foydalanuvchi 130 000 mingga yaqin aholi xonadonlariga “aqlli” hisoblagichlar o‘rnatildi. Bektemir tumanida bu jarayon salkam 60 foiz ko‘rsatkichga yetgan. Barcha tumanlarda ishlar belgilangan tartib asosida tashkil qilinmoqda.
Uchtepa tuman elektr ta’minoti korxonasi tomonidan kuz-qish mavsumiga puxta tayyorgarlik maqsadida, “Zulfizar” mahallasidagi yuqori kuchlanishli 1933-sonli transformator punkti mukammal ta’mirdan chiqarildi.
Shuningdek, “Chevar” uzatmasidan chiquvchi past kuchlanishli quvvati 0,4 kV bo‘lgan elektr uzatish havo tarmog‘ining 1,5 km uzunlikda bo‘lgan qismi to‘liq yangi zamonaviy SIP kabel tarmog‘iga almashtirildi.
Andijon viloyati:
Eski shahar elektr ta’minoti korxonasi tomonidan “Guliston” hamda “Maorif MFY” hududida 570-sonli transformator punkti yukini yengillatish maqsadida yangi quvvati 250 kVA bo‘lgan transformator punktini o‘rnatish ishlari olib borilmoqda.
Shuningdek, “Guliston” mahallasidagi elektr uzatish tarmog‘ida rekonstruksiya qilish ishlari davom etmoqda.
Izboskan tumani elektr ta’minoti korxonasi tomonidan “Shinam” MFY hududida joylashagan 34-sonli transformator punkti yukini yengillatish maqsadida yangi quvvati 100 kVA bo‘lgan transformator punkti o‘rnatildi va 3 dona temir beton tayanchlar o‘rnatish ishlari olib borildi.
Xo‘jaobod tumani elektr ta’minoti korxonasi tomonidan “Sarqamish” MFY Fayzobod ko‘chasidagi aholi xonadonlarini elektr ta’minotini yaxshilash maqsadida quvvati 160 kVA bo‘lgan transformator punkti va 20 dona temir-beton tayanchlar o‘rnatish ishlari olib borilmoqda.
Ulug‘nor tumani Bo‘ston MFY o‘ramidagi Barokatli, Qorakum va Nurabot ko‘chalariga o‘rnatilgan 63 dona temir-beton tayanchlarga 2 km uzunlikdagi SIP kabel tortish ishlari olib borilmoqda.
Natijada ushbu hududda yashovchi 120 dan ortiq aholi xonadonlarini elektr taminoti sifati yaxshilanishiga erishiladi.
Farg‘ona viloyati:
Toshloq tumanining joriy yil “Bo‘ston” mahalla fuqarolar yig‘inida quvvati 160 kVА bo‘lgan yangi transformator punkti o‘rnatilgan bo‘lsa, 2,2 km uzunlikda 0,4-10 kVli yangi elektr uzatish tarmoqlari tortildi.
O‘z navbatida tumanning “Furqat” mahalla fuqarolar yig‘inida esa mavjud o‘ta yuklama bilan ishlab kelayotgan transformatoriga qo‘shimcha quvvati 250 kVА bo‘lgan yangi transformator punkti o‘rnatilib, 0,7 km uzunlikda 0,4-10 kVli yangi elektr uzatish tarmoqlari tortilib, isteʼmolchilarga foydalanish uchun topshirildi.
Ushbu ishlar natijasida shu kunga qadar 2 090 dan ortiq aholi hamda 370 dan ortiq tadbirkorlik subeʼktlarining elektr taʼminotini sifatli yetkazilishiga erishildi.
Sirdaryo viloyati:
Boyovut tumanidagi “O‘zbekiston” maxallasi hududida 10 kV li havo tarmog‘ini qurish uchun 20 dona temir beton tayanchlar o‘rnatildi. Shuningdek mahallaga 160 kVA quvvatga ega yangi transformator o‘rnatilib 60 dona 0,4 kV li havo tarmog‘ini rekonstruksiya qilish ishlari amalga oshirilmoqda.
195
