Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 15 sentyabr kuni amalga oshirilgan ishlar — ayrim hududlar misolida.
Toshkent shahar:
“Yashnobodtumangaz” gaz ta’minoti bo‘limi uy ichiga xizmat ko‘rsatish bo‘limi chilangarlari tomonidan yil boshidan 15 687 ta aholi xonadonlaridagi gaz jihozlari texnik ko‘rikdan o‘tkazildi. Bundan tashqari 803 ta ulgurji iste’molchilariga texnik xizmat ko‘rsatilib, reja–grafikni 150 foiz ko‘rsatkichda ortig‘i bilan bajarishdi.
Samarqand viloyati:
2021 yilning yanvar-avgust oylarida Oqdaryo tumanidagi aholi iste’molchilariga jami 3 310 tonna suyultirilgan gaz yetkazib berish rejalashtirilgan bo‘lib, amalda 3 345,8 tonna suyultirilgan gaz yetkazib berildi va reja 101,08 foizga bajarildi.
Navoiy viloyati:
“Obod qishloq” va “Obod mahalla” dasturlari doirasida Qiziltepa tuman “Konsurun” MFYdagi aholi xonadonlarini elektr energiyasi bilan ta’minlash maqsadida SIP kabel tarmoqlar tortilmoqda.
Farg‘ona viloyati:
O‘zbekiston tumani “O‘rtaqishloq” mahalla fuqarolar yig‘inida joylashgan 120 ta isteʼmolchilarga xizmat ko‘rsatib kelayotgan quvvati 250 kVА bo‘lgan 419А–sonli transformator punkti mukammal taʼmirdan chiqarilib, foydalanish uchun topshirildi.
Joriy yil boshidan tuman bo‘yicha 51 dona turli quvvatdagi transformator punktlari hamda 0,4-6-10 kVli 120 km uzunlikdagi elektr uzatish tarmoqlarida to‘liq mukammal taʼmirlash ishlari olib borildi. Bu bilan, 8 200 dan ortiq aholi va 300 dan ortiq tadbirkorlik subʼektlariga elektr energiyasini yetkazib berish sifati yaxshilandi.
Marg‘ilon shahri “Ma’orif” mahalla fuqarolar yig‘ini hududida joylashgan 50-sonli transformator punkti hamda elektr uzatish tarmog‘ini yangilash va rekonstruksiya qilish ishlari boshlab yuborildi. Hududga shu kunga qadar 80 dan ortiq yangi temir-beton tayanchlari, quvvati 250 kVA bo‘lgan yangi transformator punkti o‘rnatildi.
Bundan tashqari, 2,5 km.ga yaqin uzunlikda 0,4-6 kVli yangi elektr uzatish tarmog‘i tortilib ayni vaqtda yakuniy montaj ishlari amalga oshirilmoqda. Bu bilan hududdagi 120 dan ortiq iste’mochilarni elektr ta’minoti yaxshilanadi.
Marg‘ilon shahri “Istiqlol” mahalla fuqarolar yig‘ini hududidagi quvvati 250 kVA bo‘lgan transformator punkti yuqori quvvatli 400 kVA bo‘lgan transformator punktiga almashtirildi.
Amalga oshirilayotgan bu kabi loyihalar iste’molchilarni sifatli va barqaror elektr energiyasi bilan ta’minlashga qaratilgan.
Andijon viloyati:
Eski shahar elektr ta’minoti korxonasi tomonidan “Kengash” mahallasi hududidagi 235-sonli transformator punktida ta’mirlash ishlari amalga oshirildi. Shuningdek, “Qalandarxona” MFY hududida joylashgan 47-sonli transformator punktida tarmoqlarni rekonstruksiya qilish uchun yangi SIP kabellar tortish ishlari olib borildi.
Huddi shu singari ishlar “Guliston” MFY hududida joylashagan 35-sonli transformator punktida ham davom etmoqda. Bundan tashqari “Maorif” MFY hududidagi 570-sonli transformator punkti yukini yengillatish maqsadida yangi KTPG rusumli quvvati 250 kVA bo‘lgan transfomator punkti o‘rnatildi.
Namangan viloyati:
Tagijar mahallasi Kosonsoy tumanida joylashgan quvvati 160 kVA bo‘lgan 198-sonli transformator punktiga dasturga asosan quvvati 100 kVA bo‘lgan qo‘shimcha transformator punkti o‘rnatildi.
Soybo‘yi ko‘chasiga 1,2 km masofaga 0,4-10 kVli elektr uzatish tarmoqlarini qurish uchun umumiy 44 dona temir beton tayanchlar o‘rnatilmoqda.
682
