Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 16 sentyabr kuni amalga oshirilgan ishlar — ayrim hududlar misolida.
Samarqand viloyati:
Samarqand viloyatida elektron gaz hisoblagichlarni o‘rnatish ishlari davom etmoqda. Hisoblagich o‘rnatish ishlari boshlangandan buyon, viloyat miqyosida 108 610 ta iste’molchilar xonadoniga “aqlli” gaz hisoblagichlari o‘rnatildi. 105 797 ta iste’molchi “BillingGaz” dasturiga ulandi.
Toshkent shahar:
“Shayxontohurtumangaz” gaz ta’minoti tomonidan rejaga asosan 6 kilometr gaz quvurlari mukammal ta’mirlanishi belgilangan bo‘lib, hozirga qadar 2 kilometrga yaqini to‘liq ta’mirlandi, 8 dona gaz taqsimlash punktlari mukammal ta’mirdan chiqdi. Shayxontohur tumanida 306 ta gaz taqsimlash punktlari mavjud bo‘lib, barchasi taftishdan o‘tkazildi.
Namangan viloyati:
Hozirda suyultirilgan gaz hisobini yuritishda avtomatlashtirilgan nazorat tizimini tadbiq qilish maqsadida tumandagi 28 431 ta iste’molchi to‘liq ID karta bilan ta’minlandi. 31 999 dona gaz ballonlariga maxsus bar-kodli yorliqlar bilan biriktirildi. Shu bilan birga, iste’molchilarga ID kartaning qulayliklari haqida mutaxassislar tomonidan tushunchalar berilmoqda.
Joriy yil boshidan hozirga qadar tuman aholisi 3132,6 tonnadan ziyod suyultirilgan gaz bilan ta’minlandi.
“Mingbuloqtumangaz” gaz ta’minoti bo‘limi tomonidan aholini bir me’yorda tabiiy gaz bilan ta’minlash maqsadida uch bosqichli tizimdan ikki boskichli tizimga o'tkazilganligi sababli, tumandagi 293 ta gaz taqsimlash qurilmalari texnik taftishdan o‘tkazilib, shundan 142 tasi qayta demontaj qilindi.
Endilikda mingbuloqliklar 151 ta gaz bosimi sozlovchi qurilmalar orqali tabiiy gaz bilan bir maromda ta’minlanmoqda. 7,5 km gaz tarmoqlari esa bo‘yoqlandi. Ushbu mavsum davomida 11,5 km gaz quvurlarini bosim ostida zichlikka sinash va havo bosimi yordamida tozalash ishlari amalga oshirildi.
Xorazm viloyati:
Aholi xonadonlariga sifatli elektr energiyasi yetkazib berish maqsadida, Urganch shahar elektr ta’minoti korxonasi xodimlari tomonidan “Xamjixatlik” mahallasida SIP kabel tortilmoqda.
Samarqand viloyati:
Samarqand shahar elektr tarmoqlari korxonasi tomonidan “Bog‘imaydon” mahallasida elektr uzatish havo tarmog‘i kabelini yangilash uchun chuqur kovlash ishlari va yangi kabel tashlash ishlari amalga oshirildi. Hozirda 277-sonli transformator punkti nuqtasida mukammal ta’mirlash ishlari olib borilmoqda. Barcha ishlar yakunlangach, mahalladagi transformatorlar mavsumga shay bo‘ladi. Bundan tashqari, Samarqand shahrining “Qo‘shchinor” mahallasidagi ichki ko‘chalarda eski simyog‘ochlar yangi temir beton ustunlariga almashtirildi.
Urgut tumani “Bekravot” MFY Zambarak qishlog‘ida 5584-sonli transformator punktigacha bo‘lgan masofada 60 ta yangi temir beton ustunlari o‘rnatilib, 3,2 km uzunlikdagi zamonaviy SIP-2 kabellari tortildi.
Hozirda dastur doirasidagi ishlar tumanning boshqa hududlarida ham tizimli davom etmoqda.
Qashqadaryo viloyati:
Qashqadaryo viloyati Mirishkor tumanining Pomuq shaharchasida 4 ta transformator va 117 ta temir beton ustunlari o‘rnatiladi. Bugun belgilangan ishlarning amaliy ijrosi sifatida dastlabki transformator olib kelib o‘rnatildi.
Namangan viloyati:
Kosonsoy tumani hududida 2021 yil “Obod qishloq” davlat dasturiga kiritilgan “Jar” mahallasiga jami 3,5 km masofaga 0,4-10 kVli havo tarmog‘i tortish ishlari yakuniga yetkazilmoqda, qo‘shimcha quvvati 250 kVA bo‘lgan 2 dona transformator punkti hamda 160 dona temir-beton tayanchlar o‘rnatildi.
Pop tuman elektr ta’minoti korxonasi tomonidan 3 sektor hududidagi Guzar mahallasiga temir-beton tayanchlar olib kelindi.
O‘tgan davr mobaynida sektorlar kesimida 2 ming 857 donadan ortiq yangi temir-beton tayanchlari olib kelib o‘rnatildi. Mavjud o‘ta yuklama bilan ishlab kelayotgan transformatorlar yukini yengillatish maqsadida turli quvvatdagi 64 dona yangi zamonaviy har-xil turdagi transformator punktlari o‘rnatildi.
Andijon viloyati:
“Obod qishloq” va “Obod mahalla dasturi doirasida aholiga uzluksiz elektr energiyasi yetkazib berish maqsadida Xonobod shahar elektr ta’minoti korxonasi tomonidan mahallalarda transformatorlarning holati o‘rganilmoqda va eskilari yangilanmoqda.
Shahardagi har bir transformator mukammal ta’mirlanmoqda. Korxona tomonidan “Jannatmakon”, “Bunyodkor” mahallalarida qurilish, ta’mirlash ishlari olib borilmoqda.
Marhamat tumanining “O‘qbosh” MFY Nayman ko‘chasida yashovchi aholi xonadonlarini elektr ta’minoti yaxshilash maqsadida 68 dona temir beton tayanchlar o‘rnatildi, 1,85 km uzunlikda SIP hamda elektr uzatish tarmoqlari tortilib 160 kVA bo‘lgan 1 dona transformator punkti o‘rnatildi. Hozirda 154 ta aholi xonadonlarini sifatli elektr energiyasi bilan ta’minlashga erishildi.
764
