Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 17 sentyabr kuni amalga oshirilgan ishlar — ayrim hududlar misolida.
Buxoro viloyati:
Viloyatda istiqomat qiluvchi maishiy gaz balloni iste’molchilariga belgilangan vaqtda maishiy gaz ballonlari yetkazib berilmoqda. Kuni kecha viloyat bo’yicha 42 ta mahalla fuqarolar yig’inida istiqomat qiluvchi aholi xonadonlariga 70 ming kilogramdan iborat 4 mingga yaqin gaz ballonlari tarqatildi.
“Qorako’l”, “Peshko’”, “Romitan” “Vobkent”, “G’ijduvon” gaz to’ldirish punktlari hamda “Kogon” gaz to’ldirish stansiyasi orqali barcha maishiy gaz ballonlari to’ldirildi.
Xorazm viloyati:
“Hududgaz Xorazm”gaz ta’minoti filialining 2021-2022 yil kuz-qish mavsumiga tayyorgarlik ko‘rish rejasiga asosan Shovot tumani Royat mahallasida 1,6 km gaz quvurlarni rekonstruksiya qilish ishlari rejalashtirilgan bo‘lib, bugungacha 1,1 km gaz quvurlari rekonstruksiya qilindi.
Navoiy viloyati:
Maʼlumki, avtomatlashtirilgan tizimning joriy etilishi munosabati bilan hududlardagi tabiiy gaz taʼminoti uch bosqichli tizimdan ikki bosqichliga oʼtkazilmoqda. Hozirgi kunda viloyatda mavjud 3 638 ta gaz taqsimlash qurilmasidan 304 tasi demontaj qilib olinib, natijada 83 ming 660 kub gaz tejalishiga erishildi.
Ularning vazifasini esa zamonaviy hisobdonlardagi maromlash qurilmasining oʼzi bajarmoqda.
Toshkent shahar:
Yil boshidan hozirga qadar Mirobod tumanidagi tabiiy gaz va ulgurji iste’molchilarining 21 200 nafarining gaz jihozlariga profilaktik va texnik xizmat ko’rsatilgan.
Xorazm viloyati:
Bog‘ot tumanida joriy yilning o‘tgan davrida 349 ta temir-beton tayanch ustunlari o‘rnatildi. Bundan tashqari tumandagi 16 transformatorlar rekonstruksiya qilindi.
Navoiy viloyati:
“Obod qishloq” va “Obod mahalla” dasturlariga muvofiq “Miltiqchi” mahalla fuqarolar yig‘inida quvvati 160 kVA bo‘lgan yangi transformator punkti hamda 90 dona temir beton olib kelib o‘rnatildi.
Farg‘ona viloyati:
“Obod qishloq” va “Obod mahalla” dasturlariga asosan, Yozyovon tumanining “Xonobod” MFY hududiga 1 dona yangi quvvati 250 kVА boʼlgan yangi transformator punkti oʼrnatildi. 2,7 km uzunlikdan ortiq 0,4–10 kVli yangi elektr uzatish tarmoqlari tortildi. Buning uchun 100 ga yaqin yangi temir-beton tayanchlari olib kelib oʼrnatildi.
Bundan tashqari, kuni kecha oʼrnatilgan quvvati 160 kVА boʼlgan transformator punkti hamda 3,0 km ortiq uzunlikda yangidan qurilgan tarmoq isteʼmolchilar uchun foydalanishga topshirildi.
Eʼtiborlisi joriy yil “Xonobod” mahalla fuqarolar yigʼini hududidagi 400 dan ortiq xonadon elektr taʼminoti yaxshilandi.
Bu kabi, amaliy ishlar tumanning “Yuqori Soyboʼyi”, “Guliston”, “Doʼstlik”, “Yuqori”, “Istiqlol” mahalla fuqarolar yigʼinlarida ham jadallik bilan olib borilmoqda.
Quva tumani “Rasta” mahalla fuqarolar yigʼinidagi “Shodlik” koʼchasiga yangi quvvati 160 kVА boʼlgan transformator punkti oʼrnatilib, 2,4 km uzunlikda yangi elektr uzatish tarmogʼi tortildi hamda foydalanishga topshirildi.
Namangan viloyati 2021 yilning o‘tgan davri mobaynida, Uchqo‘rg‘on tumani hududida umumiy 25,3 km masofaga yangi tarmoq tortilib, 13 ta transformator punktlari, 1 111 dona temir beton tayanchlar o‘rnatildi.
“Obod qishloq” dasturiga kiritilgan “Bo‘ston” va “Yangiobod” mahallalarida umumiy 11,9 km masofaga yangi elektr tarmoqlari qurilib, ishlar yakuniga yetkazildi. Masalan, Bo‘ston mahallasiga 5.6 km masofaga yangi tarmoq tortish, 102 dona temir beton tayanchlar hamda quvvati 250 kVAli transformator punkti o‘rnatildi.
Yangiobod mahallasiga 6.3 km masofaga yangi tarmoq tortish, 122 dona temir beton tayanchlar hamda quvvati 250 kVA bo‘lgan 2 dona transformator punkti o‘rnatildi.
455
