Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 20 sentyabr kuni amalga oshirilgan ishlar — ayrim hududlar misolida.
Toshkent shahar:
Yil boshidan hozirga qadar Yangihayot tumanidagi aholi iste’molchilarining 28 796 tasiga hamda ulgurji iste’molchilarining 1 690 ta gaz jihozlariga profilaktik va texnik xizmat ko‘rsatilgan.
Namangan viloyati:
Tabiiy gaz nazorati va hisobini yuritishning avtomatlashtirilgan tizimi loyihasini joriy etish doirasida Namangan viloyatdagi aholi xonadonlariga 125 803 ta zamonaviy “aqlli” gaz hisoblagichlari o‘rnatildi.
Namangan viloyatida 414 418 nafar suyultirilgan gaz iste'molchilari mavjud. Suyultirilgan gaz hisobini yuritishda avtomatlashtirilgan nazorat tizimini tadbiq qilish maqsadida 466 980 dona maishiy gaz ballonlari bar-kodli yorliqlar bilan, 401 487 ta iste'molchi ID kartalar bilan ta'minlandi.
Hozirda mazkur tizim ishga tushirilib, viloyatning barcha hududlarida onlayn tarzda suyultirilgan gaz yetkazib berilmoqda. Viloyatdagi suyultirilgan gaz iste'molchilari joriy yil boshidan hozirga qadar 45 753 tonnadan ziyod suyultirilgan gaz bilan ta'minlandi.
Samarqand viloyati:
Samarqand viloyatida 6 884 ulgurji tabiiy gaz iste’molchilar mavjud bo‘lib, ularning 357 tasi sanoat korxonalari, 3 866 tasi maishiy xizmat ko‘rsatish korxonalari qolganlari yakka tartibdagi tadbirkorlardir. Bugungi kunda Samarqand viloyatida 4053 ta ulgurji iste’molchilar gaz hisoblagichlariga modem o‘rnatilib, ma’lumotlar bazasiga ulandi.
“Obod qishloq” va “Obod mahalla” dasturlari doirasida Samarqand shahrining “Sharq tongi” mahallasi hududiga 15 dona temir-beton tayanchlari olib kelib o‘rnatildi hamda 1 km uzunlikdagi zamonaviy SIP kabellari tortish ishlari yakunlandi.
Shuningdek, mahalladagi aholi xonadonlarini sifatli elektr energiyasi bilan ta’minlash maqsadida mavjud eski 400 kV transformatori boshqa joyga ko‘chirilib, 400 metr yuqori kuchlanish liniyasi qaytadan tortildi.
Sirdaryo viloyati:
Guliston tumanida joriy yilning 9 oyi davomida 6 dona yangi transformator, 10 km havo tarmog‘i qurildi.
Xususan, “Terakzor” va “Sharq haqiqati” mahallalariga 161 dona yangi temir-beton ustuni o‘rnatilib, 10 km masofaga zamonaviy elektr tarmoqlari qurildi. Shuningdek, ushbu mahallalarga 6 dona turli quvvatdagi yangi zamonaviy transformator punktlari o‘rnatildi.
Jizzax viloyati:
Jizzax viloyatining Sharof Rashidov tumani, Uchtepa MFY, Paxtakor ko‘chasida 0,3 km 10 kVli va 1 km 0,4 kVli elektr uzatish tarmoqlarini tortish ishlari amalga oshirilmoqda. Bundan tashqari 160 kVAli yangi transformator punkti o‘rnatildi.
479
