Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 21 sentyabr kuni amalga oshirilgan ishlar — ayrim hududlar misolida.
Buxoro viloyati:
Buxoro viloyatida bugunga qadar 156 mingga yaqin xonadonga zamonaviy hisoblagichlar o‘rnatildi. Joylarda olib borilayotgan jarayonlar iste’molchining to‘lov bilan bog‘liq muammolarini to‘liq bartaraf etilishida xizmat qilmoqda.
Navoiy viloyati:
Qiziltepa tumanining “Obod diyor” mahallasida joriy yil sentyabr oyining ayni sanasiga qadar hududdagi iste’molchilarga 7 600 kg suyultirilgan gaz yetkazib berilgan. Suyultirilgan gaz ta’minoti bo‘yicha yil davomida tuman bo‘limiga isteʼmolchilardan birorta murojaat kelib tushmagan.
Surxondaryo viloyati:
Surxondaryo viloyatida istiqomat qiluvchi 427 mingdan ortiq maishiy gaz balloni iste’molchilarining barchasi bugun ID kartalardan foydalanish imkoniyatiga ega bo‘ldi.
Qashqadaryo viloyati:
“Hududgaz Qashqadaryo” gaz ta’minoti filiali tizimida maishiy gaz ballonlarini davriy sinovdan o‘tkazish va joriy ta’mirlashga mo‘ljallangan 8 ta sinov sexlari ishlab turibdi. Har bir sexning 1 oylik ish quvvati 440 dona bo‘lib, bir oyda esa 3 520 donani tashkil qiladi, bu yil davomida 53 000 ta maishiy ballonlarni sinovdan o‘tkazish demakdir.
Ma’lumot uchun, filial tomonidan viloyatdagi mavjud suyultirilgan gaz iste’molchilariga 806 mingdan ortiq maishiy ballonlar yetkazib berilgan.
Navoiy viloyati:
“Obod qishloq” va “Obod mahalla” dasturlari asosida olis-olis qishloqlarimizda, mahallalarimizda qurilish, bunyodkorlik ishlari avj olib, yurtimizning har bir go‘shasi obod maskanlarga aylanmoqda.
Viloyatning Karmana tumanida joylashgan “Uyrot” mahallasida ayni paytda 370 dan ortiq aholi xonadonlari istiqomat qilib kelmoqda. Ushbu mahalla tarkibidagi ko‘chalar ham dasturga kiritilgan bo‘lib, hozirda mahallaga 60 dona temir beton tayanchlar o‘rnatilmoqda.
Shuningdek, 160 kVA bo‘lgan transformator punkti o‘rnatilib, hozirda montaj qilish ishlari olib borilyapti. Hozirda dastur doirasidagi ishlar har – bir tuman va shaharlarda tizimli davom etib kelmoqda.
Andijon viloyati:
Andijon tumanida barcha tuman va shahar ishchi xodimlarini jalb etgan holda brigadalar tuzilib bir nechta ko‘chalarda qurilish va ta’mirlash ishlari olib borilmoqda.
Xususan, “Oyjamol” MFY hududiga 1 dona quvvati 100 kVA bo‘lgan transformator punkti o‘rnatildi. Ushbu MFY o‘ramidagi Oliygoh hamda Navbahor ko‘chalariga 26 dona temir beton tayanchlar olib kelib o‘rnatish ishlari olib borilmoqda. Hozirda uzunligi 1 km bo‘lgan SIP kabel tarmog‘ini tortish ishlari amalga oshirilmoqda.
Shuningdek, Qudratli ko‘chasiga 26 dona temir beton tayanchlar olib kelindi va 1 km uzunlikdagi SIP kabel tarmog‘ini tortish ishlari bajarildi.
Bundan tashqari “Daryobo‘yi” MFY ning Andijon ko‘chasiga 20 dona temir beton tayanchlar olib kelindi hamda 1 km SIP kabel tarmog‘ini tortish ishlari yakunlandi.
Jadallik bilan olib borilgan ishlar natijasida Oyjamol, Daryobo‘yi, Baxt MFY hududlarida jami 8 dona tarnsformator punktlari joriy ta’mirlandi.
Hozirda MFY hududida ishlar qizg‘in boisi elektr energiyasidan tashqari, yo‘llar tekislanmoqda, ko‘cha atroflari tartibga keltirilib, tozalov ishlari olib borilmoqda.
665
