Qabul qilingan normativ hujjatlarga* muvofiq O‘zbekiston Respublikasi Energetika vazirining o‘rinbosarlari faoliyati samaradorligining (KPI) asosiy ko‘rsatkichlari ishlab chiqildi va tasdiqlandi. Unga ko‘ra, 2021 yilning ikkinchi yarmidan boshlab, KPI bo‘yicha baholash natijalari haqida jamoatchilikni har chorakda xabardor qilib boriladi.
Jumladan, Energetika vazirining investitsiyalar va xalqaro munosabatlarni jalb qilish bo‘yicha o‘rinbosari faoliyatini baholashda jalb qilingan investitsiyalar hajmi, shuningdek, to‘g‘ridan-to‘g‘ri investitsiya loyihalari doirasida xalqaro maslahatchilarning ishtiroki, yangi ish o‘rinlari yaratish, tovarlar va xizmatlar eksporti ko‘rsatkichlari kabi mezonlar hisobga olinadi.
Energetika vazirining elektr energetika bo‘yicha o‘rinbosari ishini baholashda mamlakatimizda elektr energiyasi ishlab chiqarishni ta’minlash, energetika obyektlarida elektr energiyasi ishlab chiqarishda shartli yoqilg‘i sarfini kamaytirish, elektr energetika infratuzilmasini rivojlantirish, shu jumladan, elektr tarmoqlarini, transformator podstansiyalarini rekonstruksiya va modernizatsiya qilish, elektr energetika sohasiga to‘g‘ridan-to‘g‘ri xorijiy investitsiyalarni jalb etish, yangi ish o‘rinlari yaratish va “Ijro.gov.uz” yagona idoralararo elektron tizimi orqali berilgan vazifalarning bajarilishini ta’minlash.
Energetika vazirining neft va gaz masalalari bo‘yicha o‘rinbosari faoliyatini baholashga kelsak, bu yerda iqtisodiyot tarmog‘i va aholi yoqilg‘i-energetika resurslarini barqaror ta’minlash, neft va gaz kondensati qazib olishni ta’minlash, energiya resurslarini ko‘paytirish va diversifikatsiya qilish maqsadida suyuq uglevodorodlarni qayta ishlash ko‘rsatkichlarini ta’minlash, kuz-qish davrida gaz transporti tizimining barqaror ishlashini ta’minlash uchun gaz tarmog‘ini rekonstruksiya qilish va kapital, neft-gaz sektoriga to‘g‘ridan-to‘g‘ri xorijiy investitsiyalarni jalb etish, sohada yangi ish o‘rinlari yaratish, shuningdek, “Ijro.gov.uz” yagona idoralararo elektron tizimdan foydalanish samaradorligini ta’minlash.
Vazir o‘rinbosarlari oldiga qo‘yilgan vazifalarni KPI tizimi orqali keng xabardor qilish nafaqat aniq baholash mezonlariga ega bo‘lish, balki butun mamlakat yoqilg‘i-energetika kompleksi faoliyatining shaffofligini oshirish imkonini beradi.
Baholash ko‘rsatkichlari ijtimoiy tarmoqlarda Energetika vazirligining veb-saytida va rasmiy sahifalarida keng jamoatchilikka taqdim etib boriladi.
*2021 yil 22 iyuldagi PQ-5189 va 2021 yil 28 iyuldagi VM-467-son qarorlari.
O‘zbekiston Respublikasi
Energetika vazirligi Matbuot xizmati
953
