Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 23 sentyabr kuni amalga oshirilgan ishlar — ayrim hududlar misolida.
Namangan viloyati:
“Poptumangaz” gaz ta’minoti boʻlimi tomonidan 2021-2022 yillar kuz-qish mavsumiga tayyorgarlik ko‘rish borasida hududlarda bir qator ishlar amalga oshirilmoqda.
Hozirda aholini bir me’yorda tabiiy gaz bilan ta’minlash maqsadida uch bosqichli tizimdan ikki boskichli tizimga oʻtkazilganligi sababli, tumandagi 588 ta gaz taqsimlash qurilmalari texnik taftishdan oʻtkazilib, shundan 280 tasi demontaj qilindi.
27,2 km gaz tarmoqlari esa boʻyoqlandi. Ushbu mavsum davomida, 32,0 km gaz quvurlarini bosim ostida zichlikka sinash va havo bosimi yordamida tozalash ishlari amalga oshirildi.
Kosonsoy tumanida hozirgi kunda aholini bir me’yorda tabiiy gaz bilan ta’minlash maqsadida uch bosqichli tizimdan ikki boskichli tizimga oʻtkazilganligi sababli, 68 dona gaz bosimi sozlovchi qurilmalar demontaj qilindi.
2021-2022 yillar kuz-qish mavsumini betalafot oʻtkazish maqsadida, tumandagi mavjud 289 ta gaz bosimini sozlovchi qurilmalar texnik taftishdan oʻtkazilib, shundan 2 tasi mukammal ta’mirlandi.
Yer usti gaz quvurlarini boʻyash rejasi 11,5 km boʻlib, hozirda bu reja 100 foiz bajarilib, toʻliq boʻyaldi. Tumandagi yer osti 25,3 km gaz quvurlarini bosim ostida zichlikka sinash va havo bosimi yordamida tozalash ishlari amalga oshirildi.
Kosonsoy tumanida kichik saonat zonasida yangi elektr tarmog‘i qurilmoqda. Tarmoq qurish ishlari uchun temir beton tayanchlar olib kelinib, tarmoq tortish ishlari amalga oshirilmoqda.
Hozirda kuz-qish mavsumiga tayyorgarlik doirasida Chust tumanidagi “Chust-1” tarmog‘ida joriy ta’mirlash ishlari olib borilmoqda.
Namangan shahar elektr ta’minoti korxonasining ishchi hodimlari tomonidan mazkur mahallaga quvvati 630 kVA bo‘lgan yangi transformator punkti olib o‘rnatildi.
Toshkent shahar:
Сhilonzor tumanida kuz-qish mavsumiga tayyorgarlik koʻrish maqsadida, “Chilonzortumangaz” gaz ta’minoti tomonidan “Olmazor” mahallasida,“Qirqqiz”, “Lutfiy” koʻchalarida, 1- 5- 8- 9- mazvelardagi gaz quvurlari, quduqlar nazoratdan oʻtkazilmoqda.
Tumandagi 165 ta gaz taqsimlash punkti toʻliq texnik taftishdan oʻtkazib boʻlindi, 3 donasi mukammal ta’mirlandi. Yer osti gaz quvurlarining 14,9 km holati tekshirilib, reja-grafikni 100 foizga bajarildi. Natijada, Chilonzor tumani aholisini kuz-qish mavsumida uzluksiz, bir me’yordagi tabiiy gaz bilan ta’minlashga erishiladi.
Toshkent shahar:
Mirzo Ulug‘bek tuman “Podshobog”, “Olmachi” hamda “Darxon” MFYlari hududidagi quvvati 0,4 kV bo‘lgan havo elektr uzatish tarmog‘iga 10 dona temir-beton tayanchlar o‘rnatish va eski yog‘och ustunlarni olib tashlash (demontaj) ishlari olivb borilmoqda.
Buxoro viloyati:
Buxoro shahar elektr ta’minoti korxonasi tomonidan shaharning “Avshormahalla” ko‘chasidagi elektr energiyasi iste’molchilarini elektr energiyasi bilan ta’minlash maqsadida 201-sonli 160 kVA quvvatdagi transformator punkti shahar tipidagi quvvati 400 kVA bo‘lgan transformator punktiga almashtirildi.
Mazkur quvvatdagi transformator punktining ishga tushurilishi natijasida 250 dan ortiq iste’molchilarning elektr energiyasi ta’minoti yaxshilandi.
Qashqadaryo viloyati:
Viloyatning Dehqonobod tumani Boyqo‘rg‘on MFY Avlod qishlog‘idagi 100 kVA transformator punkti o‘rnatilib, 1 km 10 kV havo tarmog‘i tortildi. Shuningdek, 1,7 km SIP kabeli orqali 0,4 kV havo tarmog‘i yangidan qurildi. Xozirda transformator punktiga kuchlanish berilgan.
G‘uzor tumani Xumdon MFY aholisi ehtiyojlari uchun 2 ta 160 kVa quvvatli transformator punktini qurish va 4,5 km havo liniyasini yangilash yakuniga yetkazildi va 3,2 km havo liniyasini tortish uchun temir-beton ustunlari o‘rnatildi.
Samarqand viloyati:
Pastdarg‘om tuman elektr tarmoqlari korxonasi Charxin bo‘limi xodimlari kuz-qish mavsumi oldidan Fider 48 hududida havo tarmoqlarini daraxt shoxlaridan tozalash hamda salqi simlarni taranglash ishlarini olib borishmoqda.
Sirdaryo viloyati:
“Obod qishloq” va “Obod mahalla” dasturlari ijrosi doirasida Sayhunobod tumani “Olg‘abos” mahallasida xonadonlarni sifatli elektr energiyasi bilan ta’minlash maqsadida zamonaviy SIP havo tarmog‘i tortish ishlari olib borilmoqda.
536
