Joriy yilda O‘zbekiston Respublikasi Energetika vazirligi huzuridagi Elektr energetikada nazorat inspeksiyasiga tadbirkorlik subyektlari tomonidan jami 13 879 ta obyektning elektr taʼminoti loyihalarini ekspertizadan o‘tkazib berish yuzasidan murojaat kelib tushgan bo‘lib, o‘rnatilgan tartibda ekspertizadan o‘tkazib berildi. Shu bilan birga umumiy quvvati 705,11 ming.kVt bo‘lgan 3 837 ta tadbirkorlik subyektining elektr qurilmalari tarmoqqa ulanib amaliy yordam ko‘rsatildi.
Shuningdek, tadbirkorlik subyektlari tomonidan elektr taʼminotini loyihalashtirish, qurish va ulardan foydalanish faoliyatini litsenziyalash bo‘yicha 177 ta xulosa berildi.
“Hududiy elektr tarmoqlari” AJga tegishli 2 459 ta obyektda olib borilayotgan elektr tarmoq xo‘jaligi obyektlarini joriy taʼmirlash va modernizatsiya ishlari bo‘yicha elektr taʼminoti loyihalari ko‘rikdan o‘tkazilib, shundan 222 ta obyektning elektr qurilmalari ishga tayyorligi bo‘yicha xulosalar berildi.
Inspeksiya tomonidan o‘tkazilgan nazorat tadbirlari davomida 35 kV va undan yuqori kuchlanishli elektr qurilmalariga ega bo‘lgan isteʼmolchilarda 28 ta nazorat tadbirlari o‘tkazilib, 135 ta inson hayotiga xavf soluvchi va avariyaviy holatlarni keltirib chiqarishi mumkin bo‘lgan qoidabuzarlik holati aniqlangan.
Tasdiqlangan reja-jadvallarga asosan Inspeksiya tomonidan O‘zbekiston Respublikasi Suv xo‘jaligi vazirligi tasarrufidagi nasos stansiyalarida va boshqa davlat tashkilotlarida 47 ta tekshiruvlar o‘tkazildi.
Mazkur tekshiruvlarni o‘tkazish davomida elektr va issiqlik energiyasidan foydalanishda amaldagi qoida va belgilangan nizom talablari buzilgan 706 ta qoidabuzarlik holatlari aniqlanib, qoniqarsiz texnik holatda ishlayotgan 208 ta elektr qurilma tarmoqdan ajratildi. Tekshiruvlar davomida mazkur tashkilotlar tomonidan tizimga 3 179,4 mln.so‘m zarar yetkazilganligi maʼlum bo‘ldi.
Elektr energetika sohasidagi korxonalarda 107 ta nazorat tadbirlari o‘tkazilib, elektr tarmoq xo‘jaliklarida amaldagi normativ-huquqiy hujjat talablariga javob bermaslik holatlari bo‘yicha 2 333 ta qoidabuzilish aniqlandi. Shuningdek, texnika xavfsizligi qoidalarini buzish holatlari aniqlangan 68 ta brigada ishlari to‘xtatildi va yuzaga kelishi mumkin bo‘lgan baxtsiz hodisalar oldi olindi.
Elektr tarmoqlariga noqonuniy ravishda ulangan isteʼmolchilar yuzasidan 265 ta tadbir o‘tkazilib, tizimga 5,9 mlrd.so‘mlik zarar keltirish holatlari aniqlandi.
Huquqni muhofaza qilish idoralarining murojaatlariga asosan ular tomonidan 639 ta xo‘jalik yurituvchi subyektda o‘tkazilgan tekshiruvlarda Inspeksiya xodimlari mutahassis sifatida ishtirok etib, tegishli xulosalar berildi.
Shuningdek, elektr tarmoqlarining muhofaza zonalariga noqonuniy ravishda qurilganligi aniqlangan 8 684 ta obyektdan 6 333 tasi bo‘yicha dalolatnomalar tuzilib, chora ko‘rish bo‘yicha hujjatlar tegishli organlarga taqdim etildi.
Energiya samaradorligi bo‘yicha olib borilgan ishlar bo‘yicha
Yurtimizning eng chekka va olis hududlarda joylashgan isteʼmolchilarga qayta tiklanuvchi energiya manbalarini o‘rnatish afzalliklarini tushuntirish bo‘yicha aholi isteʼmolchilari ishtirokida 100 dan ziyod sayyor qabullar o‘tkazish davomida isteʼmolchilar tomonidan 68 ta quyosh fotoelektr stansiyasi va 14 ta quyosh suv isitgichi o‘rnatilishiga erishildi.
592 ta korxonalarda 944 ta tadbirlar bajarilishi evaziga jami 29,6 mln.kVt.s, shundan qayta tiklanuvchi energiya manbalarini joriy etilishi evaziga 736,3 ming.kVt.s elektr va 20,1 ming Gkal issiqlik energiyasi tejalishiga erishildi.
Maʼmuriy binolar va infratuzilma obyektlarida quyosh fotoelektrik stansiyalari va quyosh suv isitish qurilmalarini o‘rnatish bo‘yicha jami 205 ta sayyor qabul o‘tkazish natijasida 154 ta quyosh fotoelektrik paneli va 80 ta quyosh suv isitgichi o‘rnatildi.
Inspeksiyaning hududiy bo‘limlari tomonidan reaktiv energiyani kompensatsiya qiluvchi qurilmalarni o‘rnatish bo‘yicha 7 829 ta tadbirkorlik subyekti bilan ishlar tashkil etildi. Ushbu tadbirkorlik subyektlarining 1 316 tasi tomonidan reaktiv quvvatni kompensatsiya qiluvchi qurilma o‘rnatilishi natijasida elektr energiyasini uzatishdagi texnologik yo‘qolishlarni 2 545,7 ming.kVt.s.ga kamayishiga erishildi.
Shu bilan birga 62 ta korxonalarda majburiy energetika tekshiruvlarini o‘tkazish bo‘yicha energoauditorlar tomonidan ishlab chiqilgan tekshiruv Dasturlari tasdiqlanib, bu boradagi ishlar tashkil etildi.
Bugungi kunda elektr tarmoq xo‘jaligi obyektlarini mukammal va joriy taʼmirlash ishlari, iqtisodiyot tarmoqlari hamda ijtimoiy soha obyektlarini kuz-qish mavsumiga tayyorlash eng muhim vazifalardan bo‘lib, bu borada ayni kunlarda ishlar jadal olib borilmoqda.
Shuningdek, 178 ta turli darajali texnologik buzilishlarda maxsus tekshirishlar o‘tkazib, bu kabi texnologik buzilishlar oldini olish bo‘yicha chora-tadbirlar ishlab chiqildi va ularning ijrosi yuzasidan nazorat o‘rnatilgan.
Sodir bo‘lgan 16 ta baxtsiz hodisalar maxsus tekshiruv o‘tkazilib, tekshirish natijasi to‘g‘risidagi maʼlumotlar ichki ishlar organlariga taqdim etildi.
Sohadagi normativ-xuquqiy hujjatlarni hamda texnik qoida va normalarni vazirliklar va idoralar tomonidan ishlab chiqilgan 44 ta normativ-huquqiy hujjatlar loyihalari inspeksiya tomonidan ko‘rib chiqildi va tegishli takliflar berildi. Yangi 91 ta normativ-huquqiy hujjatlar qabul qilinishi munosabati bilan elektr energetikasi sohasidagi normativ-huquqiy hujjatlarning ularga muvofiqligi xatlovdan o‘tkazildi.
Elektr energetika va gaz sohasidagi bir qator qulayliklarni o‘z ichiga olgan, foydalanishga qulay “EnergoWiki” mobil ilovasi ishga tushirildi.
O‘zbekiston Respublikasi
Energetika vazirligi Matbuot xizmati
1141
