Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 24 sentyabr kuni amalga oshirilgan ishlar — ayrim hududlar misolida.
Xorazm viloyati:
Urganch tumanida “Obod mahallada” Dasturi asosida “Oyoqbog‘” mahallasiga 3,5 km uzunlikdagi elektr uzatish tarmoqlari tortilishi rejalashtirilgan. Mahallaga mavjud transfomatorga qo‘shimcha ravishda yuqori kuchlanishdagi 1 ta transformator qurildi. Xozirda yangi temir-beton ustunlar o‘rnatilib, aholi xonadonlariga zamonaviy SIP kabel tortilmoqda.
Samasqand viloyati:
Ishtixon tumani “Zarband” MFY hududidagi Tandirtosh, Kulota, Bozorjoy va Qonjig‘ali qishloqlariga 4 dona 160 kVa transformator punktlari hamda 218 dona yaroqsiz simyog‘ochlar o‘rniga, temir beton tayanchlarini o‘rnatishmoqda. Ishlar yakunlangach, “Zarband” MFY aholisi xonadonlarida elektr energiya ta’minoti yanada yaxshilanadi.
Namangan viloyati:
To‘raqo‘rg‘on tumanida 45,4 km 6-10-0,4 kV elektr uzatish tarmog‘i qurildi. 16 dona har xil quvvatdagi transformator punktlari o‘rnatildi. 117,1 km tarmoq va 45 dona transformator punkti mukammal, 910,3 km elektr uzatish tarmog‘i va 272 dona transformator punkti joriy ta’mirlandi.
Tizimni kuz-kish davrida barqaror ishlashga tayyorlash, aholi xonadonlariga maromda elektr energiyasi yetkazib berish uchun kerakli materiallar zaxirasi yaratilgan.
Norin tumani hududida joylashgan 35/10 kVli “Xo‘jaobod” nimstansiyasidan chiquvchi 10 kVli “Ravot” tarmog‘i orqali Ravot mahalla fuqarolar yig‘ini aholi isteʼmolchilarini elektr energiyasi bilan taʼminlayb kelmoqda.
Ravot mahallasiga umimiy 1,8 km masofaga yangi zamonaviy SIP kabellari tortilishi rejalashtirilgan. Hozirda 55 dona temir beton tayanchlar o‘rnatilib, quvvati 160 kVA bo‘lgan transformator punkti o‘rnatiladi.
Toshkent shahar:
Sergeli TETK tomonidan “Al-Farg‘oniy” MFY dagi TP-2810-sonli tarnsformator punktida mukammal taʼmirlash ishlari, Olmazor TETK tomonidan “Qora Saroy” va “Sariqsu” ko‘chalaridagi jami 250 ta yerli aholi xonadonlari, “Qora-Qamish” 1-4 mavzesidagi 1850 ta xonadonlar uchun o‘rnatilgan transformator punktlari, Uchtepa TETK tomonidan “Almoniy”, “Beshqayrog‘och”, “Davlatobod” MFY va “Dadil” ko‘chalarida jami 5 000 ga yaqin aholi xonadonlari uchun yetkazilayotgan elektr energiyasini taqsimlash punktlari texnik-taftish nazoratidan o‘tkazildi.
Shuningdek, Uchtepa tuman elektr taʼminoti korxonasi xodimlari tomonidan “Obod mahalla” davlat dasturi asosida tumandagi “Bog‘ichinor” MFY xududidagi yuqori kuchlanishli “Uchtut” uzatmasidan taʼminlanuvchi TP-2440-sonli transformator punkti quvvati 630/10 kVA bo‘lgan transformatorga almashtirish ishlari olib borildi.
675
