Birlashgan Arab Amirliklarining Dubay shahrida “Honeywell” kompaniyasining Mintakaviy shtab-kvartirasida “Honeywell” va Energetika vazirligi hamkorligini kuchaytirish masalalariga bag‘ishlangan “Raqamli transformatsiya texnologiyalari” seminar uchrashuvi bo‘lib o‘tdi. Unda O‘zbekiston Respublikasi Energetika vazirligi, “O‘zbekiston milliy eletr tarmoqlari” AJ va “O‘zbekneftegaz” AJ xodimlaridan iborat ishchi guruh ishtirok etdi.
Uchrashuv avvalida, “Honeywell” kompaniyasining yaqin sharq va Markaziy Osiyo bo‘yicha bosh direktori Mohammed Mohaisen va markaziy Osiyo va Turkiya bo‘yicha mintaqaviy prezidenti Uygar Doyuranlarga O‘zbekiston energetika sohasini rivojlantirish, sohani raqamli transformatsiya qilish va shu bilan birga energiya resurslari tejamkorligini oshirish yuzasidan istiqbolli rejalar haqida maʼlumotlar almashilib, energetika sohasida hamkorlikni yana-da kuchaytirish, istiqbolli loyihalarni birgalikda amalga oshirish yuzasidan muzokaralar o‘tkazildi.
O‘tkazilgan muzokaralar jarayonida “Honeywell” tomonidan neft va gaz, elektr energetika sohalarini rivojlantirishning ilg‘or tajribalari asosida mamlakatimizda Energetika tizimini rivojlantirish borasida boshlangan amaliy ishlar sarhisob qilindi.
Shuningdek, semenar uchrashuv davomida “O‘zbekneftgaz” AJ hamda “Honeywell” kompanisining hamkorligida joriy etilgan texnorlogik jarayonlarni avtomatlashtirishga doir loyihalari muhokama qilindi. Mazkur loyihalarning bugungi holati, istiqbolda amalga oshiriladigan ishlar ko‘lami yuzasidan taklif va mulohazalar bildirildi. “O‘zbekneftgaz” AJ va “O‘zbekiston milliy elektr tarmoqlari” AJ maʼlumotlar uzatishda kiberxavfsizlikni taʼminlash bo‘yicha Honeywell Forge yechimi, ishlab chiqarish jarayonlari va markaziy dispeptcherlik xizmati uchun Honeywell Experion (SCADA tizimi) yechimlari bilan tanishib chiqildi hamda ularni amaliyotda joriy etish yuzasidan hamkorlikning keyingi bosqichlari beligilab olindi.
Tashrifning ikkinchi qismi “SAP” kompaniyasining mintaqaviy ofisida davom etib, Ishchi guruh tomonidan mazkur kompaniyaning ERP dasturiy ishlanmalari o‘rganildi, tegishli taqdimotlar bilan tanishtirildi. Taqdimot yakunida “Raqamli O‘zbekiston 2030” strategiyasi doirasida “O‘zbekiston milliy elektr tarmoqlari” AJ tomonidan Jahon banki bilan hamkorlikda ERP loyihasini joriy etishda bosh pudratchi uchun tender savdolari o‘tkazilishi maʼlum qilinib, kopmaniya o‘z mahsuloti bilan mazkur tanlovda ishtirok etish uchun taklif etildi.
Shundan so‘ng, delegatsiya vakillari MORO kompaniyasi ofisiga tashrif buyurishdi. MORO DEWA (Dubay elektr va suv boshqarmasi) ning quyi tashkiloti hisoblanib, asosiy faoliyati tizim tashkilotlariga AKT xizmatlarini ko‘rsatishdan iborat. Ushbu kompaniya tomonidan joriy etilgan boshqaruv va nazorat avtomatlashtirilgan dasturiy mahsulotlar, ulardan foydalanish xonalari hamda xalqaro standartlarga muvofiq bunyod etilgan maʼlumotlarni qayta ishlash markazi (datatsentr) bilan tanishildi.
Tashrif yakunida “Energetika vazirligi – “Honeywell” hamkorlik yo‘nalishlarining istiqbollari” mavzusida amaliy forum tashkil etildi. Unda xorijiy ekspertlar bilan o‘zaro tajriba almashish hamda tashrif davomida erishilgan kelishuvlar bo‘yicha istiqboldagi vazifalar muhokama qilindi.
O‘zbekiston Respublikasi
Energetika vazirligi Matbuot xizmati
718
