Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 27 sentyabr kuni amalga oshirilgan ishlar — ayrim hududlar misolida.
Andijon viloyati:
Asaka tumanining “Arg‘in” MFY hududida dastur asosida 29 dona temir beton tayanchlarni o‘rnatish ishlari olib borilmoqda. Endilikda ushbu mahallaga 1,5 km uzunlikdagi SIP kabel tarmoqlari tortish hamda 160 kVA quvvatdagi transformator punktlari o‘rnatish ishlari rejalashtirilgan.
Baliqchi tumani Turkiston MFY Olmazor ko‘chasidagi 120 dan ortiq aholi xonadonlarini elektr energiyasidan bo‘lgan muammolarini ijobiy hal etish maqsadida 0,4 kV li elektr uzatish tarmog‘iga temir beton tayanchlar o‘rnatish ishlari olib borildi. Shuningdek “Aralxon” MFY o‘ramidagi 10 kVli elektr uzatish tarmog‘ini daraxt shoxlaridan tozalash ishlari olib borilmoqda.
Jizzax viloyati:
Mirzacho‘l nimstansiya guruhi xodimlari tomonidan 110/6 kVli nimstansiyasidagi VT-1-110 kV moyli o‘chirgichida rejali mukammal ta’mirlash ishlari yakuniga yetkazildi.
“Obod qishloq” va “Obod mahalla” dasturlari ijrosi doirasida Zafarobod tumani, Nurafshon ShFY hududida davlat dasturi doirasida 10 kVli elektr uzatish tarmoqlarini tortish ishlari amalga oshirilmoqda.
Namangan viloyati:
Yangiqo‘rg‘on tumani, “G‘alaba” mahalla fuqorolar yig‘ini Hayotbaxsh ko‘chasida yangi o‘rnatilgan quvvati 250 kVli transformator punktini montaj qilish ishlari bajarilmoqda.
Uychi tumani “Umid” mahallasiga yangi zamonaviy elektr tarmoqlari tortilmoqda. Mazkur mahalla fuqarolar yig‘inini elektr energiyasi bilan ta'minlab turuvchi, quvvati 63 kVA bo‘lgan 423-sonli transformator punktini yukni yengillashtirish maqsadida, “Obod qishloq” Davlat dasturi asosida, yangi tarmoq tortish uchun temir beton tayanchlarni o‘rnatish ishlari bajarilmoqda.
Navoiy viloyati:
Аyni vaqtda viloyatda suyultirilgan gaz isteʼmolchilari soni 100 165 taga yetgan. Ularga suyultirilgan gaz 25 dona “ISUZU” va 6 dona “MАN” rusumli avtotransport vositalari orqali yetkazilmoqda.
Joriy yil sentabr oyining ayni vaqtiga qadar “Hududgaz Navoiy” gaz taʼminoti filiali tomonidan tuman va shaharlardagi isteʼmolchilarga 970 tonna 50 kg suyultirilgan gaz tarqatilib, uning hisob-kitobi avtomatlashtirilgan tizim orqali qabul qilinmoqda.
Samarqand viloyati:
Aholiga elektr energiyasini sifatli va uzluksiz yetkazib berish uchun mehnat qilayotgan Bulung‘ur tuman elektr tarmoqlari korxonasi xodimlari kuz-qish mavsumi oldidan tumandagi barcha hududlarda elektr uzatish tarmoqlarini daraxt shoxlaridan tozalashmoqda.
“Obod qishloq va Obod mahalla” dasturlari ijrosi doirasida Pastdarg‘om tumani “Beklar” MFY hududidagi 7387-transformato punktiga qo‘shimcha 160/10 kVa KTPS 10 kV elektr uzatish tarmoqlariga 15 dona temir-beton ustunlari o‘rnatilayapti.
Sirdaryo viloyati:
“Obod qishloq” va “Obod mahalla” dasturlari ijrosi doirasida Oqoltin tumani “Andijon” mahallasi hududida joylashgan 411--sonli transformator punktidan chikuvchi 0,4 kV elektr uzatish tarmog‘ida temir-beton ustunlar o‘rnatish jarayonlari olib borilmoqda.
Yangiyer shahar “Shodlik” mahallasi hududida 10 kV elektr uzatish tarmog‘ini qurish va “Ma’rifat” va “Shodlik” mahallari iste’molchilarga sifatli elektr energiyasi yetkazib berish maqsadida zamonaviy SIP havo tarmog‘i tortilmoqda.
Surxondaryo viloyati:
Termiz shahar aholisi barqaror tabiiy gaz bilan ta’minlanishi uchun yangi gaz tarmog‘i tortilmoqda.
Xorazm viloyati:
Xonqa tumanida joylashgan 110/10 kVli “Xonqa” podstansiyasidagi ortiqcha yuklama bilan ishlab turgan 10 000 kVAli kuch transformatori 25 000 kVA bo‘lgan kuch transformatoriga almashtirildi.
Toshkent shahar:
2021-2022 yillar kuz-qish mavsumiga tayyorgarlik ko‘rish, uni betalofat o‘tkazish, shuningdek, tabiiy gaz iste’molchilari xavfsizligini ta’minlash maqsadida, “Mirobodtumangaz” gaz ta’minoti bo’limi tomonidan tuman hududidagi yer osti gaz quvurlarini maxsus apparat yordamida profilaktik tekshiruvdan o‘tkazilmoqda.
Tumanning “Bektemir” MFY Billur ko‘chasida quvvati 0,4 kV bo‘lgan past kuchlanishli elektr uzatish tarmog‘idagi eskirib yaroqsiz holga kelgan alyumin simlar o‘rniga, SIP rusumidagi o‘z-o‘zini himoyalovchi yangi zamonaviy kabel tarmog‘i tortildi. Mahallaning “Jamil Toshkandiy” ko‘chasidagi mavjud transformator punkti yukini yengillashtirish uchun qo‘shimcha quvvati 630/10 kVA bo‘lgan zamonaviy rusumdagi katta quvvatli transformator punkti o‘rnatildi.
876
