O‘zbekiston Energetika vazirligi Toshkent shahridagi Yeoju texnika institutida bo‘lib o‘tgan “Ta’lim, qayta tiklanuvchi energiya manbalari va biznes o‘rtasidagi o‘zaro bog‘liqlik” xalqaro yoshlar konferensiyasida ishtirok etdi.
2021 yil 25 sentyabr kuni bo‘lib o‘tgan talabalar forumida Italiya, Ispaniya, Ozarbayjon vakillari ham ishtirok etishdi.
Tadbirni O‘zbekiston Respublikasi Energetika vazirining fan va innovatsiyalar bo‘yicha maslahatchisi Aziz Alimuhamedov va Toshkent shahridagi Yeoju texnika instituti rektori Janpo‘lat Xudaybergenovlar ochib berishdi.
Konferensiya davomida tajribali ma‘ruzachilar va talabalar ushbu yo‘nalishda qayta tiklanuvchi energiya sohasidagi kelgusidagi ishlarga, biznes istiqbollarini rivojlantirishga e’tibor qaratish haqida fikr almashdilar.
O‘zbekiston Energetika vazirligi mutaxassislari bilan bir qatorda, “DG Impianti” (Italiya) mintaqaviy menejeri va “Mechta Laboratory” rahbari Krishi N. Gaetano, qayta tiklanuvchi energiya sohasi bo‘yicha mutaxassis muhandis Karlos Payer (Ispaniya), Mehnatni muhofaza qilish va sanoat xavfsizligi menejeri Fariz Mamedov (Ozarbayjon) lar ham ishtirok etishdi.
Muhokama davomida tajribali ekspertlar va bo‘lajak mutaxassislar oliy ta’lim maqsadlari va istiqboldagi amaliy maqsadlarini, qayta tiklanuvchi energetika sohasida yoshlarning innovatsiyalari va takliflarini amalga oshirishning ahamiyatini bir joyga jamlash yo‘llari haqida o‘z qarashlarini taqdim etdilar. Ishtirokchilarning ta’kidlashicha, qayta tiklanuvchi energiya bu – kelajak, demak, bu sohada yuqori malakali mutaxassislar tayyorlash ustuvor ahamiyatga ega hisoblanib, unda barcha manfaatdor tomonlar ishtirok yetishi lozim.
Oʻzbekiston Respublikasi
Energetika vazirligi Matbuot xizmati
931
