Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 29 sentabr kuni amalga oshirilgan ishlar — ayrim hududlar misolida.
Andijon viloyati:
Andijon viloyati Asaka tumanidagi adirlik bag‘rida joylashgan Ulug‘bek mahallasida ham dastur doirasida keng ko‘lamli ishlar amalga oshirilmoqda. Rejadagi 2 ming 200 metr havo tarmog‘i o‘rniga 4,6 kilometrga elektr liniyasi tortildi. Umuman, joriy yilning o‘tgan davrida mahalla hududida 135 dona temir-beton tayanch ustun, 3 dona transformator punkti o‘rnatildi.
4,6 km uzunlikda SIP kabellari tortilib, 5 dona mavjud transformator ta’mirlandi. Natijada mahallaning Navro‘z-1, Navro‘z-2 va Navro‘z-3 dahalaridagi qariyb 1 ming nafar aholi yashaydigan 700 ga yaqin xonadonda elektr ta’minoti me’yorlashtirildi.
Buxoro viloyati:
Vobkent tumani aholisining 19 mingdan ortiq iste'molchilari, ishlab chiqaruvchi korxonalar, kichik va o'rta biznes korxonalarini tabiiy gaz bilan ta'minlovchi d-720 mmli gaz quvurlari yer ostida ta'mirtalab bo'lganligi sababli ushbu quvurlarning 2,5 km.dan ortiq qismi yer yuzasidan tashqariga chiqarilib, ochiq havoda o'rnatilib, hozirgi kunda montaj ishlari bajarib kelinmoqda.
Olot tumanining “Burjoq” MFY “Burjoq” qishlog‘i aholisi uchun qo‘shimcha ravishda 160 kVA quvvatga ega bo‘lgan transformator punktini o‘rnatish ishlari olib borilmoqda. Shuningdek, dastur davomida 8 dona mustahkam temir-beton tayanchlarni qurish va 400 metr uzinlikdagi yangi havo elektr uzatish tarmog‘ini tortish ishlarining bajarilishi rejalashtirilgan.
Namangan viloyati:
Namangan shahar, yangi Namangan tumani hududi Ma’naviyat mahallasiga 630 kVA quvvatdagi transformator punkti olib kelib o‘rnatishdi. Dastur asosida 2021 yil davomida 1 200 dan ortiq temir beton tayanchlar, 14 dona transformator punkti hamda 56,7 km masofaga yangi tarmoq tortish ishlari bajarildi.
Namangan shahar “Obod” mahalla fuqarolar yig‘ini o‘tgan yillar davomida aholi sonining ortishi va ularga sifatli elektr energiyasini etkazib berish maqsadida, quvvati 400 kVA bo‘lgan 86-sonli transformator punkti o‘rniga 630 kVA quvvatlisiga almatirildi.
Chortoq tumani “Iftixor” mahalla fuqarolar yig‘ini “Tol” ko‘chasini elektr energiyasi bilan ta’minlab kelayotgan quvvati 100 kVA bo‘lgan 77-sonli transformator punkti o‘rniga quvvati 250 kVA bo‘lgan yangi trnasformator punkti hamda 60 dona temir-beton tayanchnlar o‘rnatilib, uzunligi 4 km masofaga 0,4-10 kVli yangi elektr uzatish tarmog‘i tortildi.
2021 yil uchun viloyatdagi iste’molchilarga 69 461 tonna (2020 yilga nisbatan 5845 tonna ko‘p) suyultirilgan gaz yetkazib berish ko‘zda tutilgan bo‘lib, bugungi kunga qadar yil boshidan 44434,5 tonna suyultirilgan gaz yetkazib berildi.
Hozirda suyultirilgan gaz hisobini yuritishda avtomatlashtirilgan nazorat tizimini tadbiq qilish maqsadida barcha maishiy gaz ballonlari bar-kodli yorliqlar bilan ta’minlanib, iste’molchilar ID kartalar bilan ta’minlandi. Hozirda mazkur tizim ishga tushirilib, viloyatning barcha hududlarida onlayn tarzda suyultirilgan gaz yetkazib berilmoqda. Bu iste’molchilar uchun juda qulay bo‘lib, to‘lovlar elektron shaklda amalga oshiriladi.
Navoiy viloyati:
“Navoiy hududiy elektr tarmoqlari korxonasi” AJ tomonidan 110/10/6 kV quvvatga ega BSI nimstantsiyasini kuz-qish mavsumiga hozirlash, tarmoqlarni yangilash va modernizatsiya qilish bo‘yicha samarali ishlar olib borilmoqda.
Surxondaryo viloyati:
“Obod qishloq” va “Obod mahalla” dasturlari doirasida Uzun tumani “Fayzobod” mahallasi hududida yangi temir-beton ustunlari o‘rnatildi.
Toshkent viloyati:
Kuz-qish mavsumiga tayyorgarlik doirasida Yangiyo‘l tumani Haqiqat MFY da joriy yilda 2661-qarori bo‘yicha bir qator ishlar qilindi. Shu jumladan, mahallaga yangi 36 ta temirbeton ustunlar o‘rnatilib, 1,2 km uzunlikdagi SIP kabellar tortish ishlari yakuniga yetkazilgan.
Yangiyo‘l tumani Nihol MFY da 250 kVt lik transformator, 67 ta yangi temirbeton ustunlar o‘rnatilib, 17 km uzunlikda SIP kabellar tortilgan.
Toshkent shahar:
2021-2022 yillar kuz-qish mavsumiga tayyorgarlik jarayonlari Chilonzor tumanigi 165 ta mavjud gaz taqsimlash punkti to‘liq texnik taftishdan o‘tkazib bo’lindi, 3 donasi mukammal ta’mirlandi, yer osti gaz quvurlarining 15 km holati tekshirilib, reja-grafikni 100 foizga bajardi.
Jizzax viloyati:
Tabiiy gaz nazorati va hisobini yuritishning avtomatlashtirilgan tizimini joriy etish loyihasi Jizzax shahrida to‘la yakunlandi. Aholi xonadonlariga 32 400 dona “aqqli” gaz hisoblash uskunalari o‘rnatilib, yetkazib berilayotgan tabiiy gazni hisobi avtomatik tarzda hisob-kitob qilinmoqda.
1115
