Энергетика вазирлиги ОАВ вакиллари билан очиқ мулоқот ўтказди
Шу йилнинг 10 июлида Ўзбекистон Республикаси Энергетика вазирлиги вакиллари ва журналистлар ўртасида очиқ мулоқот ташкил этилди.
Учрашув Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлигида бўлиб ўтди.
Суҳбатда Энергетика вазирлиги тизимига кирувчи –“Иссиқлик электр станциялари”, “Ўзбекистон миллий электр тармоқлари” ва “Ҳудудий электр тармоқлари” акциядорлик жамиятларининг вакиллари иштирок этди.
Суҳбатнинг асосий мавзуси Ўзбекистон иссиқлик-энергетика комплекси ривожланишига оид давлат сиёсатининг ҳозирги босқичига доир масалаларга бағишланди.
Унда электр энергетика соҳасидаги тариф сиёсатини ислоҳ қилиш ҳақида сўз кетар экан, “Иссиқлик электр станциялари” АЖ раҳбари Руслан Мубаракшин шуни таъкидладики, электр энергия таннархиниг 80% табиий газнинг нархга оид кўрсаткичларига боғлиқ. Бундан ташқари, бошқа харажатларни, шу жумладан, мутахассисларга ҳақ тўлаш, технологик эҳтиёжлар учун сув, таъмирлаш фонди кабиларни ҳам ҳисобга олиш зарур.
Электр энергия соҳаси фаолият юритиши учун кўп сонли ускуналар ишга туширилган. Бу тушунча ўз ичига 114 та энергожиҳоз, шу жумладан, 39 та энергоблок, 22 та турбогенератор, 44 та қозон, 4 та фаолият кўрсатувчи БГУ, 1 та ГТУ ни қамраб олади. Ушбу қувватлар соатига 58,5 млрд. кВт электр энергия ишлаб чиқариш имконини беради. Шу билан бирга, бу рақам гидро электр станциялар томонидан ишлаб чиқарилган электр энергияси миқдорини ўз ичига олмайди.
Жами энергетика соҳасига оид 49 та ташкилотда тахминан 45 минг киши ишлайди.
Маълумот ўрнида қайд этиш жоизки, жорий йилнинг якунига қадар Тўрақўрғон, Навоий ва Тахиатош ИЭС буғ-газ турбиналарини ишга тушириш мўлжалланмоқда.
Р.Мубаракшин сўзларига кўра, давлат-хусусий шериклик соҳасида ҳам муҳим тадбирлар режалаштирилган бўлиб, булардан бири “Тоғ ишлари” Қозоғистон компаниясига ишончли бошқарувга иккита электр станцияси – Янги Ангрен ва Ангрен ИЭС нинг берилишидир. Томонлар ўртасидаги келишувга мувофиқ кўзда тутилишича, ИЭС да кўмирдан фойдаланишнинг кўпайтирилиши ҳисобидан уч йил давомида табиий газдан фойдаланиш қисқартирилади.
Шунингдек, учрашувда иссиқлик-энергетика сектори хавфсизлигини таъминлаш, энергия ресурсларга тобора ортиб бораётган талабни қондириш учун самарали энергетик сиёсатни ишлаб чиқиш, қайта тикланадиган энергия манбаларини илгари суриш ва ривожлантириш мақсадида ислоҳотларни давом эттириш масалалари муҳокама қилинди.
Ўзбекистон Республикаси Энергетика вазирлиги матбуот хизмати
943
