Energetika vazirligi tizimidagi “Taxiatosh IES” AJ 8-sonli energoblokida 2021-2022 yillar kuz-qish mavsumida uskunalarning ishonchli va uzluksiz ishlashini taʼminlash maqsadida taʼmirlash ishlari yakunlandi.
Ushbu taʼmirlash ishlariga 180 nafardan ortiq malakali va tajribali mutaxassislari jalb qilinib ishlar reja asosida olib borildi.
Taʼmirlash ishlari natijasida 2021-2022 yillar kuz-qish mavsumida ishlab chiqarish quvvatlari barqarorligini taʼminlash, favqulodda o‘chishlarga yo‘l qo‘ymaslik va ishlatilayotgan shartli yoqilg‘i sarfini kamaytirish evaziga yuqori mahsuldorlikka erishiladi.
Maʼlumot uchun: stansiyadagi 8-sonli energoblok 210 MVt quvvatga ega bo‘lib, Qoraqalpog‘iston Respublikasi hamda Xorazm viloyatini elektr energiyasi bilan taʼminlovchi yirik energoqurilma hisoblanadi.
Stansiyada 8-sonli energoblokning taʼmirlash ishlari yakunlanishi bilan, 2021-2022 yillar kuz-qish mavsumiga tayyorgarlik ishlarini muvaffaqiyatli yakunladi.
Ushbu ishlarga 32,6 milliard so‘m sarflandi, bu o‘tgan yilgi sarflangan mablag‘ga nisbatan 202 foizga ko‘p.
“Issiqlik elektr stansiyalari” AJ Matbuot xizmati.
1158
