Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 30 sentabr kuni amalga oshirilgan ishlar — ayrim hududlar misolida.
Sirdaryo viloyati:
Yangiyer shahar “Fazilat” mahallasiga kuz-qish mavsumida elektr taʼminotida yaxshilash maqsadida quvvati 400 kVA bo‘lgan yangi transformator punkti o‘rnatildi. Shuningdek mahallaga 77 dona temir beton ustunlar o‘rnatildi va 3 km 500 metr masofaga SIP havo tarmog‘i tortish ishlari olib borilmoqda. “Fazilat” mahallasida elektr taʼminoti yaxshilashga qaratilgan ushbu ishlar yakunida 2 ming 300 dan ortiq aholini elektr taʼminoti yaxshilanadi.
Namangan viloyati:
Yangiqo‘rg‘on tuman elektr taʼminoti korhonasi tomonidan aholini sifatli va barqaror elektr energiyasi bilan taʼminlash maqsadida, “Ko‘kyor” mahalla fuqarolar yig‘ini “Baxt” ko‘chasida joylashgan quvvati 100 kVA bo‘lgan 468-sonli transformator punktida yuklamalarni tenglash ishlari bajarilmoqda.
Ishlar yakunlangandan so‘ng, Ko‘kyor mahallasida elektr taʼminoti yana-da yaxshilanadi.
“Obod kishlok” va “Obod mahalla” dasturlariga asosan Oltinsoy tumani “Qorliq” mahallasi hududida 224-sonli transformator punktiga qo‘shmicha yangi 160 kVA transformator o‘rnatildi hamda 13 dona yangi temir-beton ustunlari o‘rnatish ishlari yakunlandi va aholi sifatli elektr energiyasi bilan taminlandi.
Shuningdek, Muzrabot tumani “Obi xayot” mahallasi hududida joylashgan 10 kVli yangi o‘rnatilgan biton tayanchlarga sim tortish ishlari davom etmoqda.
Toshkent shahar:
“Bektemirtumangaz” gaz taʼminoti bo‘limi xodimlari tomonidan 2021-2022 yillar kuz-qish mavsumini betalofat o‘tkazish, tabiiy gaz isteʼmolchilariga bir meʼyorda gaz yetkazib berish maqsadida, Bektemir tumanidagi 9 ta yerli aholi istiqomat qiladigan mahallalarni uch bosqichli tizimdan, ikki bosqichliga o‘tkazish ishlariga start berildi.
Maʼlumki, avtomatlashtirilgan tizimning joriy etilishi munosabati bilan hududlardagi tabiiy gaz taʼminoti uch bosqichli tizimdan ikki bosqichliga o‘tkazilmoqda. Hozirga qadar, “Nurafshon” mahallasidagi 50 ta xonadon ikki bosqichli tizimga o‘tkazilib, ushbu mahalladagi 2 dona gaz taqsimlash qurilmasida demontaj ishlari amalga oshirildi.
78
