Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 4 oktabr kuni amalga oshirilgan ishlar — ayrim hududlar misolida.
Gazli Magistral gaz quvurlari boshqarmasi:
Gazli Magistral gaz quvurlari boshqarmasining DKS-4 sexida rekonstruksiya qilish bo‘yicha asosiy ishlar yakunlandi. Gaz haydash agregatlari sinovdan o‘tkazilmoqda. Dastlabki sinovlarda ijobiy natijalar qayd etildi. Ayni paytda agregatlar atroflarini obodonlashtirish ishlari ham so‘nggi bosqichda davom etmoqda.
DKS-4 sexi kuz-qish mavsumida tabiiy gazning bosimini oshirib, respublikamiz ichkarisiga yetkazishda muhim muhandislik inshooti hisoblanadi.
Zirabuloq мagistral gaz quvurlari:
“O‘ztransgaz” AJ tomonidan “Gazli-Chimkent” magistral gaz quvuri “Zarafshon” otvodining 100-110 km.lari oralig‘ida diametri 420 mm bo‘lgan quvurning 1500 metr nuqsonli qismini yangisiga almashtirilmoqda.
Toshkent shahar:
2021-2022 yillar kuz-qish mavsumida isteʼmolchilarga bir maromda tabiiy gazni yetkazib berish, noxush holatlarning oldini olish uchun filial xodimlari ishlarni sifatli tashkil qilmoqda. Respublikamizga sovuq havo oqimi kirib kelishi munosabati bilan, isteʼmolchilarda tabiiy gazga boʻlgan ehtiyoji oʻz-oʻzidan ortib boradi.
Gaz taʼminoti tashkilotlari tomonidan isteʼmolchilarni bir meʼyorda hamda uzluksiz tabiiy gaz bilan taʼminlash hamda murojaatlarning oldini olish maqsadida Toshkent shahrining barcha tumanlaridagi gaz taqsimlash moslamalari mutaxassislar tomonidan qayta ko‘rikdan o‘tkazilmoqda.
Surxondaryo viloyati:
“Sariosiyotumangaz” bo‘limi tomonidan tumanning olis “Kundaijuvoz” qishlog‘i isteʼmolchilariga "zangori olov"ni yetkazib berish tizimli ravishda olib borilmoqda.
Andijon viloyati:
Andijon shahar Bog‘i Eram MFY hududidagi 459-sonli transformator punktidan chiquvchi 0,4 kV havo tarmog‘iga 13 dona shuningdek, “Navbahor” MFY hududida joylashagan 17-sonli transformator punktidan chikuvchi 0,4 kV havo tarmog‘i uchun 17 dona temir beton tayanchlar o‘rnatildi.
Namangan viloyati:
Namangan shahar, Yangi Namangan “Ma’naviyat” mahallasida 630 kVA quvvatdagi transformator punkti o‘rnatildi. Shuningdek tumanda Dastur asosida joriy yilning o‘tgan davri davomida 1 200 dan ortiq temir-beton tayanchlar, 14 dona transformator punktlari hamda 56,7 km masofaga yangi tarmoq tortish ishlari bajarildi.
Samarqand viloyati:
Pastdarg‘om tuman “Chimboy” MFY hududiga kiruvchi 7965-sonli transformator punkti, 0,4 kV elektr uzatish tarmoqlariga 15 dona temir-beton ustunlari o‘rnatish ishlari bajarilmoqda
Sirdaryo viloyati:
Sirdaryo viloyati Boyovut tumanining “O‘zbekiston” mahallasi hududida “Kamalak” “Kamolot” “Uvoq” va “Kitob” ko‘chalarida 2 km 700 metr masofaga zamonaviy SIP kabellari tortildi. Shuningdek yuklama bilan ishlayotgan 294-TP ga qo‘shimcha quvvati 160 kVA bo‘lgan yangi transformator o‘rnatildi.
Xorazm viloyati:
“Obod qishloq” va “Obod mahalla” dasturlari doirasida Urganch shahar 28-son “Temir yo‘lchi” mahallasi aholisini sifatli elektr energiya bilan ta’minlash maqsadida 250kVA transfarmator yangi 400kVA transfarmatorga almashtirildi.
Toshkent shahar:
Uchtepa tuman “Beshqayrag‘och” MFY hududida 0,4 kVli elektr uzatish havo tarmog‘i to‘liq mukammal ta’mirdan chiqarilib, ushbu hududga 500 metrdan ortiqroq yangi zamonaviy SIP kabel tarmog‘i tortildi. Ayni vaqtda, ushbu transformator punktidan ta’minlanuvchi quvvati XL-0,4 kV li elektr uzatish tarmog‘idagi yangi zamonaviy SIP rusumidagi kabel tarmog‘iga montaj ishlari olib borilmoqda.
Xorazm viloyati:
“Obod qishloq” va “Obod mahalla” dasturlari doirasida Bog‘ot tumanining “Obod” mahallasida 0,4 kV lik elektr uzatish tarmog‘ini yangilash uchun elektr ustunlarni tiklash ishlari bajarilmoqda.
1359
