Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 5 oktabr kuni amalga oshirilgan ishlar — ayrim hududlar misolida.
Samarqand viloyati:
Samarqand magistral gaz quvurlari boshqarmasi tomonidan inshootlarda 2021-2022 yil kuz-qish mavsumiga tayyorgarlik ishlari reja asosida amalga oshirildi. Shu kunlarda rejadagi ishlar oxirgi bosqichda davom ettirilyapti.
“Sho‘rtan-Sirdaryo” magistral gaz quvurining 338 km.dagi gaz o‘lchov stansiyasida taftishdan o‘tkazilgan texnologik qurilmalarni bo‘yoqlash ishlari ham shular jumlasidan.
Farg‘ona viloyati:
Farg‘ona MGQBga qarashli “Chust” GTS gaz taqsimlash stansiyasidagi barcha ochib-yopish moslamalari, bosim rostlash uskunalari, manometrlar va quvurlar hozirgi zamon talablariga to‘liq javob beradigan yangilariga almashtirildi. Bu esa o‘z navbatida GTS orqali tabiiy gaz yetkazib berishdagi barqarorlikni taʼminlashga xizmat qiladi.
Hozirgi paytda GTSda rejalashtirilgan barcha ishlar to‘liq uddalandi. Rekonstruksiya ishlari yakunlanganidan so‘ng, bu yerda xizmat olib boradigan xodimlarning mehnat sharoitlari ham yaxshilandi.
Namangan viloyati:
Namangan shahar, Davlatobod tumani hududi Ijodkor mahallasiga dastur asosida har bir ko‘chalarga temir beton tayanchlar o‘rnatilib, SIP kabellar orqali tarmoqlar tortilmoqda. Navbatdagi Anjirzor ko‘chasiga 1.2 km masofaga yangi tarmoq tortish uchun temir beton tayanchlar olib kelindi.
Navoiy viloyati:
“Hududgaz Navoiy” gaz taʼminoti filiali masʼul xodimlari isteʼmolchilar xonadonlarida bo‘lib, isitish mavsumini betalofot o‘tkazish uchun nimalarga eʼtibor berish kerakligi haqida tushuntirish ishlarini olib borishmoqda. Xususan, qo‘lbola, nostandart gaz jihozlarini qo‘llash, dudburonlarning ko‘p buramali holatda o‘rnatilgan bo‘lishi, qolaversa, dam olish xonasida ochiq olovdan foydalanish is gazidan zaharlanish, yong‘in, portlash kabi ko‘ngilsiz holatlarga sabab bo‘lishi mumkinligi tushuntirilmoqda.
Konimex tumanida 3 213 ta hisoblagich isteʼmolchilar xonadonlariga belgilangan muddatda, yaʼni joriy yilning 1 oktabrigacha o‘rnatib bo‘lindi. Ushbu isteʼmolchilarning sarflagan tabiiy gaz uchun hisob-kitobi bugun to‘liq avtomatlashtirilgan tizim orqali nazorat qilinmoqda.
Samarqand viloyati:
“Obod qishloq” va “Obod mahalla” dasturlari doirasida Qo‘shrabot tumanidagi 10 kVli elektr uzatish tarmoqlariga yangi temir beton ustunlari o‘rnatish va elektr uzatish tarmoqlarini daraxt shoxlaridan tozalash ishlari bajarilmoqda.
Surxondayo viloyati:
“Obod qishloq” va “Obod mahalla” dasturlari doirasida Uzun tumani “Fayzovo” MFYdagi 84425-sonli transformator punktidan chiquvchi 0,4 kV li elektr uzatish tarmog‘iga o‘rnatilgan temir-beton ustunlarga konstruktsiyalarni o‘rnatish va SIP-2 tortish ishlari bajarilmoqda.
Qumqo‘rg‘on tumanida “Obod qishloq” va “Obod mahalla” dasturlari doirasida tumanning “Boymoqli” mahallasi hududida joylashgan 520-sonli transformator punktidan chiquvchi 0,4 kVli elektr uzatish tarmog‘ida temir-beton ustunlari o‘rnatilmoqda.
“Obod qishloq” va “Obod mahalla” dasturlari doirasida Oltinsoy tumani “Jobi” mahallasi hududida joylashgan 145A- raqamli transformator punktidan chiquvchi 0,4 kV li elektr uzatish tarmog‘ida temir-beton ustunlari o‘rnatildi.
Denov tumanida “Obod qishloq” va “Obod mahalla” dasturlari doirasida “Paxtakurash” mahallasi hududidagi 0,4 kVli elektr uzatish tarmog‘ida temir-beton ustunlarga konstruktsiyalarni urnatish va SIP-2 tortish ishlari bajarildi.
Toshkent shahar:
Uchtepa tumanidagi “O‘tkir” MFY hududidagi 5048- hamda 4051-sonli transformator podstantsiyalarida mukammal ta’mirlash ishlari olib borildi. Bundan tashqari, ushbu transformator podstantsiyasidan chiquvchi quvvati 0,4 kV bo‘lgan elektr uzatish tarmoqlaridagi eskirib yaroqsiz holga kelgan alyumin simlar o‘rniga, yangi zamonaviy SIP rusumidagi kabel tarmoqlari tortilmoqda.
Samarqand viloyati:
“Zomintumangaz” gaz ta’minoti bo’limi xodimlari tomonidan aholi xonadonlarini “аqlli” gaz hisoblagizlar bilan ta’minlash ishlari jadallik bilan olib borilmoqda.
756
