Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 6 oktabr kuni amalga oshirilgan ishlar — ayrim hududlar misolida.
Gazli magistral gaz quvurlari boshqarmasi:
Gazli magistral gaz quvurlari boshqarmasida payvandlash ishlari amalga oshirilmoqda. Texnologik jarayonlardagi rejali to‘xtalishlar vaqtidan unumli foydalangan holda, DKS-5 “B” sexining chiqish kollektorlariga diametri 1020 mm bo‘lgan bog‘lovchi quvur va diametri 1000 mm kran o‘rnatilmoqda.
Ushbu quvur hozirda 140 km masofada montaj qilinayotgan, diametri 1220 mm. li Gazli-Kogon magistral gaz quvurining 4-tarmog‘iga ulanadi.
Toshkent shahar:
2021-2022 yillar kuz-qish mavsumini betalofat o‘tkazish, aholi xonadonlariga bir me’yorda tabiiy gazni uzluksiz yetkazib berish maqsadida “Hududgaz Poytaxt” gaz ta’minoti filiali tomonidan 5,5 km.dan ortiq gaz quvurlari mukammal ta’mirlandi, 1 km.dan ortiq gaz quvurlari rekonstruksiya qilindi, 117 ta gaz maromlash punkti ta’mirlandi, 2807 tasi esa taftish qilindi.
Gaz quvurlarining 105 kilometr bo‘yoqlash ishlari rejaga kiritilgan bo‘lsa, amaliy ish 204 foizga bajarildi, ya’ni 214 km gaz quvurlarida bo‘yoqlash ishlari olib borildi. Gaz quvurlarini bosim ostida zichlikka sinash va havo bosimi yordamida tozalash bo‘yicha 205,5 kmda ish olib borilgan.
Buxora viloyati:
Kuz-qish mavsumini betalofot o‘tkazish, aholi xonadonlariga tabiiy gazni uzluksiz yetkazib berish maqsadida “Hududgaz Buxoro” gaz ta’minoti filiali tomonidan amaliy ishlar o‘z vaqtida bajarildi. Viloyatda 262 mingdan ortiq tabiiy gaz iste’molchilari istiqomat qiladi. Ularning xavfsizligini ta’minlash hamda mavjud muammolarning oldini olish uchun mavsum tayyorgarligi samarali tashkil etildi.
Xususav, 23 ming km.dan ortiq gaz quvurlari rekonstruksiya qilindi, 60 ta gaz maromlash punkti ta’mirlandi, 7 279 tasi esa taftish qilindi. Gaz quvurlarining 150 kmni bo‘yoqlash ishlari rejada kiritilgan bo‘lsa, amaliy ish 108 foizga bajarildi, ya’ni 163 km gaz quvurlarida bo‘yoqlash ishlari olib borildi.
Andijon viloyati:
“Obod qishloq” va “Obod mahalla” dasturlari doirasida Baliqchi tumanining “Do‘stlik” MFY Navro‘z ko‘chasiga 1 dona quvvati 160 kVA bo‘lgan, “G‘ayrat” ko‘chasiga 1 dona quvvati 100 kVA bo‘lgan transformator punktlari o‘rnatilib tushirildi.
Shuningdek, Do‘stlik MFY hududida joylashgan 6 dona transformator punkti hamda 0,4 kV li havo tarmoqlari mukammal ta‘mirlandi. “Gulshan” mahallasida esa ayni paytda qurilish, rekonstruksiya va obodonlashtirish ishlari amalga oshirilmoqda va 1 dona quvvati 100 kVA bo‘lgan transformator punkti hamda 30 dona temir beton tayanchlar olib kelib o‘rnatildi.
Navoiy viloyati:
“Obod qishloq” va “Obod mahalla” dasturlari doirasida Navoiy shahrida elektr uzatish tarmoqlarini rekonstruksiya qilish ishlari olib borilmoqda.
Navbahor tumani “Qorajon” MFY hududida joylashgan “Navbahor kichik saonat zonasi” ning tashqi elektr taminoti uchun quvvati 6,3 MVA bo‘lgan nimstansiya va 35 kVli elektr uzatish tarmoqlari o‘rnatilishi bo‘yicha loyihalashtirish ishlari yakullanib hozirda qurilish ishlari boshlanish arafasida.
Samarqand viloyati:
Kuz-qish mavsumi oldidan Ishtixon tuman elektr ta’minoti korxonasi xodimlari ham “Ittifoq” fideridan ta’minlanuvchi TP-I-290 dan chiquvchi 0,4 kV elektr uzatish tarmog‘ining 8 km qismini daraxt shoxlaridan tozalab, salqi bo‘lib qolgan simlarni qaytadan tortish ishlarini olib borishdi.
Pastdarg‘om tumani “Paxtakor” MFYda “Islomobod” fiderdan ta’minlanuvchi 7239-sonli transformator punktidan chiquvchi 0,4 kV elektr uzatish tarmog‘iga 10 dona temir beton ustunlari olib kelib o‘rnatildi.
Surxondaryo viloyati:
Muzrabot tumani “Obi hayot” mahallasi hududida yangi kelgan beton tayanchlari o‘rnatildi.
636
