Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 7 oktabr kuni amalga oshirilgan ishlar — ayrim hududlar misolida.
Bektemir gaz taqsimlash stansiyasi:
“Bektemir gaz taqsimlash stansiyasi” Toshkent shahri va O‘rta Chirchiq tumani aholisi hamda sanoat korxonalariga tabiiy gaz yetkazib beradi. Shu kunlarda stansiyada avtomatlashtirilgan stansiya sifatida modernizatsiyalash ishlari so'ngi bosqichda davom ettirilmoqda.
Bu ishlar yakunlangach, stansiyani masofadan boshqarish imkoni paydo bo‘ladi, stansiyani nazorat qilishda inson omilining ishtiroki kamayishi bilan birga xavfsizlik darajasi ham ortadi.
Andijon viloyati:
“Obod qishloq” va “Obod mahalla” dasturlarini ijrosini taʼminlash maqsadida, Kuyganyor bo‘limi ishchi xodimlari tomonidan “Sultonobod” MFY hududiga 52 dona temir beton olib kelinib o‘rnatish ishlari olib borilmoqda. Natijada ushbu mahalla tarkibiga kiruvchi 180 dan ortiq aholi xonadonlarining elektr energiyasi yaxshilanadi.
Buxoro viloyati:
Buxoro shahar “Ko‘kaldosh” MFY hududidagi Gulshan ko‘chasida qo‘shimcha ravishda 400 kVa quvvatdagi transformator punkti o‘rnatilib, 300 metr uzinlikdagi elektr uzatish tarmog‘i yangilandi va foydalanishga topshirildi.
Namangan viloyati:
Mingbuloq tumani hududida quvvati 400 kVA li bo‘lgan 6-sonli transformator punktidagi “Tarmoq-3” tayanchlarini hamda elektr tarmoqlarini boshqa joyga ko‘chirish va montaj qilish ishlarini bajarishmoqda.
Jizzax viloyati:
“Hududgaz Jizzax” gaz ta’minoti filiali tomonidan tumandagi ko‘p yillardan buyon gaz ta’minotida muammolarga duch kelgan “Toqchilik” mahallasida tabiiy gaz ta’minoti yaxshilandi. Jumladan, Shimoliy GTSdan yuqori gaz quviridan ushbu mahallaga 6,5 km masofada gaz quvuri orqali tabiiy gaz yetkazib berish yo‘lga qo‘yildi.
Samarqand viloyati:
“Obod qishloq” va “Obod mahalla” dasturlari doirasida Urgut tumani “O‘roqboyjar” MFYda 1 dona transformator punkti hamda elektr uzatish tarmog‘ining 4,6 km masofasiga zamonaviy SIP kabellari tortilib, 116 dona temir beton ustunlari o‘rnatilgan edi. Hozirda mazkur hududga yana 30 dona temir beton ustunlari olib kelinib, o‘rnatish ishlari olib borilmoqda.
Surxondaryo viloyati:
“Obod qishloq” va “Obod mahalla” dasturlari doirasida Uzun tuman “Fayzovo” MFY dagi 84425-sonli transformator punktidan chikuvchi 0,4kV li elektr uzatish tarmog‘iga sip kabel tortildi.
“Obod qishloq” va “Obod mahalla” dasturlari doirasida Denov tumani “Paxtakurash” mahallasi hududida joylashgan TP-322A raqamli transformator punktidan chiquvchi 0,4 kV li elektr uzatish tarmog‘ida temir-beton ustunlar o‘rnatish ishlari bajarildi.
Toshkent viloyati:
“Ohangarontumangaz” gaz taʼminoti boʻlimi tomonidan aholi va ulgurji isteʼmolchilar oʻrtasida “Gaz jihozlaridan foydalanish qoidalari”, is gazi, yongʻin va portlash kabi holatlarni oldini olish maqsadida, targʻibot-tashviqot ishlari olib borilib, isteʼmolchilarga rangli eslatmalar tarqatilmoqda.
Toshkent tumanida 27 791 ta hovli va 56 ta koʻp qavatli uylar xatlovdan oʻtkazilib, shundan 346 dona sifat sertifikatiga ega boʻlmagan (nostandart) yondirgichli isitish pechlari gaz tarmogʻidan uzildi. 301 dona zamonaviy energiya tejamkor avtomatik gaz yondirgichlari isteʼmolchilar xonadoniga oʻrnatildi.
Toshkent shahar:
Olmazor tumani “Umid” mahallasida ham elektr energiyasi bilan bog'liq masala hal bo'lib, 2 ta yangi 2469 transformator punktidagi kuch transformatorlarini almashtirish va o'rnatish ishlari olib borildi.
Kuz-qish mavsumiga tayyorgarlik ishlari tuman elektr taʼminoti korxonasi ishchi-xodimlari tomonidan hududdagi mavjud elektr tarmoqlaridagi nosozliklarni aniqlash va uning oldini olish maqsadida, yer ostidan oʻtgan yuqori kuchlanishli kabel tarmogʻining shikastlangan qismida ta`mirlash (montaj) ishlari olib borilmoqda.
541
