Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 8 oktabr kuni amalga oshirilgan ishlar — ayrim hududlar misolida.
Xo‘jaobod Gazni yer ostida saqlash inshooti:
Xo‘jaobod Gazni yer ostida saqlash inshootida ham shu kunlarda kuzgi-qishki mavsumga tayyorgarlik ishlari davom ettirilmoqda. GEOSIdagi gaz to‘plash shoxobchalarida gaz quvurlarini zanglashdan asrash maqsadida navbatdagi bo‘yoqlash ishlari olib borilmoqda.
Surxondaryo viloyati:
“Hududgaz Surxondaryo” gaz ta’minoti filiali tomonidan ayni paytda “Termiz” erkin iqtisodiy zonasi va Termiz shahar iste’molchilarini barqaror tabiiy gaz bilan ta’minlash borasida ishlar jadallik bilan olib borilmoqda.
Viloyat bo‘yicha rejadagi 3,3 km gaz quvurlar to‘liq mukammal taʼmirlanib, 13,2 km gaz quvurlar rekonstruksiya qilindi. Shundan Denov shahrida 3,3 km gaz quvurlar mukammal taʼmirlanib, 9,9 km gaz quvurlar rekonstruksiya qilindi. Termiz shahrida 2,5 km va Termiz tumanida 0,9 km gaz quvurlar rekonstruksiya qilindi.
Rejadagi 2541 dona gaz taqsimlash punktlari to‘liq texnik ko‘rikdan o‘tkazilib, 11 donasi mukammal taʼmirlandi. 74,2 km turli bosim va diametrdagi yer osti gaz quvurlar kompressor yordamida havo bosimi bilan to‘liq sinalib, tozalanib, pribor usulda tekshirib chiqildi. 10,3 km o‘rniga 38,3 km gaz quvurlar tashqi korroziyalanishdan saqlash maqsadida bo‘yoqlandi.
Bundan tashqari, viloyat bo‘yicha 22,0 km gaz quvurlar tartibga keltirilib, bo‘yoqlanib, taʼmirlandi hamda 41 dona gaz taqsimlash punktlarida texnik taftishdan o‘tkazish va taʼmirlash ishlari amalga oshirildi.
Surxondaryo viloyati markazidan 320 km uzoqlikda joylashgan “Chosh” mahallasiga o‘z vaqtida suyultirilgan gaz ballonlari yetkazib berilmoqda.
Jarqo‘rg‘on tuman elektr taʼminoti korxonasi tomonidan “Obod qishloq” va “Obod mahalla” dasturlariga asosan “Ko‘shtepa” mahallasi hududidagi 1,0 km.li 0,4 kV elektr uzatish tarmog‘i uchun yangi temir-beton tayanchlar o‘rnatildi.
Andijon viloyati:
“Obod qishloq” va “Obod mahalla” dasturlari doirasida Andijon shahar “To‘qqizariq” MFY hududidagi 211-sonli transformator punktini yukini yengillatish maqsadida yangi quvvati 400 kVА bo‘lgan transformator punkti olib kelindi. Bundan tashqari 300 metr 6 kV li yer osti kabel tarmog‘i tortildi.
Shuningdek, ushbu mahalladagi 577-sonli 0,4 kV li havo tarmog‘ini to‘liq rekonstruksiya qilish uchun 800 metr zamonaviy SIP kabellar tortildi.
Navoiy viloyati:
Navbahor tumani “Qorajon” MFY hududida joylashgan “Navbahor kichik sanoat zonasi”ning tashqi elektr taminoti uchun quvvati 6,3 MVA bo‘lgan nimstansiya va 35 kVli havo elektr uzatish tarmoqlari o‘rnatilishi bo‘yicha loyihalashtirish ishlari yakullanib hozirda qurilish ishlari boshlanish arafasida.
“Obod qishloq” va “Obod mahalla” dasturlari doirasida Karmana tuman “Varq” MFY hududida quvvati 160 kVA bo‘lgan 2 dona transformator punkti olib kelindi va jami 109 dona temir beton tayanchlar o‘rnatilmoqda.
Samarqand viloyati:
“Obod qishloq” va “Obod mahalla” dasturlari doirasida Pastdarg‘om tumani “Galatut” mahallasida istiqomat qiluvchi aholi xonadonlarida elektr ta’minotini yaxshilash maqsadida mahalladagi 2791 va 2495-transformator punktlariga qo‘shimcha yangi rusumdagi quvvati 100/10 kV bo‘lgan transformator punkti olib kelinib o‘rnatildi hamda 10 kV havo elektr uzatish tarmog‘iga 15 dona temir beton ustunlarini o‘rnatish ishlari olib borilmoqda.
Qo‘shrabot tumani “Bozorjoy” mahallasidagi “Saroy” fiderining 10 kVli havo elektr uzatish tarmog‘iga 40 dona temir beton ustunlari o‘rnatilib, havo elektr uzatish tarmoqlari qaytadan tortildi.
Sirdaryo viloyati:
Sayxunobod tumani “Turon” mahallasida 15 dona 0,4 kV li temir beton ustunlar o‘rnatilib, 1 km 200 metr SIP-2 elektr uzatish tarmog‘i torish ishlari bajarildi. Shuningdek tumanning “Nurli yo‘l” mahallasida 1 km 100 metr masofaga 10 kV li havo tarmog‘i tortildi. Quvvati 100 kVA bo‘lgan yangi transformator punkti o‘rnatildi.
“Obod qishloq” va “Obod mahalla” dasturlari ijrosi doirasida Oqoltin tumani “Andijon” mahallasi hududida elektr energiyasini yaxshilash maqsadida 28 dona temir beton ustunlar o’rnatilib, SIP-2 va SIP-4 markali elektr uzatish tarmog‘i torish ishlari Oqoltin tuman elektr ta'minoti korxonasi ishchi-xodimlari tomonidan olib borilmoqda.
Toshkent shahar:
Shayxontoxur tuman “Katta oqtepa” MFYning Bahoriston 2-berk koʻchalari hududida joylashgan 1442-sonli transformator punktidan taʼminlanuvchi quvvati 0,4 kV boʻlgan past kuchlanishli havo elektr tarmogʻidagi eski alyumin simlarni 350 metrdan ortiq yangi zamonaviy SIP kabel tarmoqlariga almashtirib berildi.
664
