Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 11 oktabr kuni amalga oshirilgan ishlar — ayrim hududlar misolida.
Navoiy viloyati:
“Karmanatumangaz” gaz taʼminoti bo‘limi hududida joylashgan mazkur sinash sexi bir kunda 40 tagacha maishiy gaz ballonni sinovdan oʼtkazish quvvatiga ega.
Joriy yil oktabr oyining ayni vaqtiga qadar ushbu sexda 364 ta, yil boshidan buyon esa 11 683 ta ballon sinovdan o‘tkazilib, foydalanishga topshirildi. 35 777 dona gaz ballonning jo‘mraklari yangisiga almashtirildi.
Andijon viloyati:
“Obod qishloq” va “Obod mahalla” dasturlari doirasida Eski shahar, “To‘qqizariq” MFY hududidagi 211-sonli transformator punktining yuklamasini kamaytirish maqsadida yangi quvvati 400 kVA bo‘lgan transformator punkti olib kelindi. Bundan tashqari 300 metr 6 kVli yer osti kabel tarmog‘i tortildi.
Shuningdek, ushbu mahalladagi 0,4 kVli havo tarmog‘ini to‘liq rekonstruksiya qilish uchun 800 metr zamonaviy SIP kabellar tortildi.
Buxoro viloyati:
Gijduvon tumani “Chorsu” MFY Chorsu ko’chasi hamda “Gulistonobod” MFY Boyxotin qishlog‘iga turli quvvatga ega bo‘lgan transformator punktlari hamda qurilish materiallari yetkazib berildi.
Namangan viloyati:
Kosonsoy tumani hududida Davlat dasturi asosida Panixon ko‘chasiga 2,8 km masofaga yangi tarmoq tortish hamda qo‘shimcha quvvati 250 kVA bo‘lgan yangi transformator punkti o‘rnatish rejalashtirilgan bo‘lib, hozirda 30 dona temir beton tayanchlar olib kelib o‘rnatilmoqda.
“Obod qishloq” va “Obod mahalla” dasturi doirasida Chortoq tumanida “Guldirov” mahalla fuqarolari yig‘ini hududiga quvvati 250 kVA bo‘lgan yangi transformator punkti hamda 60 dona temir-beton tayanchlari olib kelib o‘rnatildi. Hozirda 3 km uzunlikdagi zamonaviy SIP kabellari tortish ishlari bajarilmoqda.
Sirdaryo viloyati:
Mirzaobod tumani “Beruniy” mahallasida 0,4 kV li temir beton ustunlar o‘rnatilish ishlari tuman elektr ta’minoti ishchi-xodimlari tomonidan olib borilmoqda.
Surxondaryo viloyati:
“Obod qishloq” va “Obod mahalla” dasturlari doirasida Muzrabot tumani “Obi hayot” mahallasi hududida 0,4 kv ning yangi kelgan beton tayanchlari o‘rnatildi.
“Obod qishloq” va “Obod mahalla” dasturlari doirasida Jarqo‘rg‘on tumandagi “Qo‘shtepa” mahallasi hududidagi 112-sonli transformator punktida 1,0 km uzunlikdagi 0,4 kVli elektr uzatish havo tarmog‘ini rekonstruksiya ishalari amalga oshirilmoqda.
Farg'ona viloyati:
Marg‘ilon shahri “B.Marg‘iloniy” mahalla fuqarolar yig‘ini hududida yangi, quvvati 250 kVА bo‘lgan transformator punkti o‘rnatildi. Bundan tashqari, 1,2 km uzunlikda 6-0,4 kVli yangi elektr uzatish kabel tarmog‘ini qurish ishlari boshlab yuborilgan.
Toshkent shahar:
Shayxontoxur tuman “Katta oqtepa” MFYning Bahoriston 2-berk koʻchalari hududida joylashgan 1442-sonli transformator punktidan taʼminlanuvchi quvvati 0,4 kV boʻlgan past kuchlanishli elektr tarmogʻidagi eski alyumin simlarni 350 metrdan ortiq yangi zamonaviy SIP kabel tarmoqlariga almashtirib berildi.
Olmazor tumani “Taraqqiyot” mahalla hududigi yangi TP hamda transformator o‘rnatildi.