O‘zbekiston Respublikasi Prezidentining 2019-yil 22-avgustdagi PQ-4422-sonli “Iqtisodiyot tarmoqlari va ijtimoiy sohaning energiya samaradorligini oshirish, energiya tejovchi texnologiyalarni joriy etish va qayta tiklanuvchi energiya manbalarini rivojlantirishning tezkor chora-tadbirlari to‘gʼrisida”gi Qarori ijrosi yuzasidan ko‘p qavatli aholi turar-joylarida bir qator ishlar amalga oshirilmoqda.
Xususan, joriy yilning oktabr oyida “O‘zenergoinspekisiya” Qoraqalpog‘iston Respublikasi hududiy bo‘limi tomonidan O‘zbekiston Respublikasi Vazirlar Mahkamasining 2021-yil 17-sentabrdagi “Iqtisodiyot tarmoqlari, ijtimoiy soha obʼektlari va ko‘p kvartirali uy-joy fondini 2021-2022 yillar kuz-qish davrida barqaror ishlashga tayyorlashni taʼminlash chora-tadbirlar to‘gʼrisida” 576-son qaror talablarining bajarilishi bo‘yicha ko‘p kvartirali uy-joylarning kuz-qish mavsumiga tayyorgarligi o‘rganildi.
Xo‘jayli tumani “Kun Nur” MFYda joylashgan “Story group-1” MChJ tomonidan yangidan qurilgan 24 xonadonli ko‘p qavatli aholi turar-joyining tom qisimida har birining quvvati 300 Vt bo‘lgan 48 ta quyosh modulining jami quvvati 14,4 kVt bo‘lgan monokristal tarkibli quyosh panellari o‘rnatilgan bo‘lib, har bir xonadon uchun 0,6 kVt quvvatli elektr jihozlariga ajratilgan.
Yuqoridagi tashabbuslar yurtimizda qayta tiklanuvchi energiya manbalarini rivojlantirishda va elektr energetika sohasi tizimini sifat jihatidan yaxshilanishiga xizmat qilishi bilan ahamiyatlidir.
“O‘zenergoinspeksiya” Matbuot xizmati
1040
