Энергетика вазирлиги штаби томонидан жорий йилнинг 9 октябрь куни ўтказилган тезкор тадбир давомида Навоий вилояти Навоий шаҳар, Тинчлик қўрғони ҳудудида жойлашган “Сардорбек Ситорахон Иброҳимбек” МЧЖга қарашли оҳак ишлаб чиқариш цехида ўрнатилган “СТГ-80/250” русумли (завод рақами 18766) электрон газ ҳисоблаш ускунасига ташқи таъсир кўрсатилганлиги, яъни ҳисоблагичга метал сим тиқиб 2021 йил 15 сентябрь кунидан бошлаб табиий газдан ноқонуний фойдаланиб келаётганлиги аниқланди.
Ушбу ҳолат, Вазирлар Маҳкамасининг 2018 йил 12 январдаги 22-сонли қарорининг 121 ва 125-бандлари талабига зид ҳисобланиб, истеъмолчи томонидан фойдаланиб келган 3 дона оҳак пишириш ҳумдонига дастлабки ҳисобланган газ ҳажми 295 минг метр кубни ва етказилган зарар миқдори 295 млн сўмни ташкил этди.
Ушбу ҳажмдаги табиий газ 30 мингта хонадоннинг 1 кунлик истеъмолини ташкил қилади.
Аниқланган ҳолатга ҳуқуқий баҳо бериш учун расмийлаштирилган ҳужжатлар ҳуқуқни муҳофаза қилиш органига юборилди.
Ўзбекистон Республикаси
Энергетика вазирлиги Матбуот хизмати
795
