Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 15 oktabr kuni amalga oshirilgan ishlar — ayrim hududlar misolida.
Namangan viloyati:
Namangan shahar, G‘isht ko‘prik mahallasiga yangi 630 kVA quvvatga ega bo‘lgan transformator punkti o‘rnatilmoqda.
Samarqand viloyati:
Pastdarg‘om tumani “Bobur” mahallasidagi 660-transformator punktiga qo‘shimcha yangi rusumdagi quvvati 100/10 kVli transformator punkti o‘rnatilib, elektr uzatish tarmog‘iga 30 dona temir-beton ustunlari o‘rnatildi.
Urgut tumanidagi “Toyloq” gaz taqsimlash stansiyasidan D-325 mmli uzunligi 29,5 km alohida gaz tarmog‘i tortilib foydalanishga topshirildi. Shuningdek, tumandagi ko‘p qavatli uylar va aholi xonadonlarida tabiiy gaz ta’minotini yaxshilash maqsadida uzunligi 1, 5 km yuqori bosimli gaz quvurlari tortilmoqda.
Sirdaryo viloyati:
Oqoltin tumani “Shodlik” va “Yangi hayot” mahallalariga quvvati 160 kVA bo‘lgan 2 dona transformator punktlari o‘rnatildi.
Sirdaryo viloyatida suyultirilgan gazdan foydalanuvchi mavjud 78 787 ta aholi xonadonlariga suyultirilgan gaz yetkazib berish to‘liq avtomatlashtirilgan tizimga o‘tkazildi va ID-kartalar orqali suyultirilgan gaz yetkazib berish yo‘lga qo‘yildi.
Shuningdek, viloyatda bugungi kunda jami 93 070 dona elektron gaz hisoblagichlar oʻrnatilib, hozirda bu ishlar davom etmoqda.
Toshkent shahar:
Yashnobod tumanida 12 mingga yaqin aholi xonadonlariga elektron gaz hisoblagichlari bepul o‘rnatilgan bo‘lib, ularning 11 522 tasi “BillingGaz” dasturiga ulangan.
Olmazor tumanida “Obod mahalla” davlat dasturi doirasida 2 kmga yaqin gaz quvurlari rekonstruksiya qilindi, 44 ta gaz taqsimlash moslamasi texnik taftishdan o’tkazildi.