Қорақалпоғистон Республикасида жойлашган 220 кВ кучланишли “Беруний” подстанциясида “Қорақалпоғистон магистрал электр тармоқлари” филиали муҳандис-чилангарлари томонидан электр энергиясига ортиб бораётган бўлган талабни қондириш юзасидан режали таъмирлаш, қурилиш-монтаж ишлари олиб борилмоқда.
Ушбу подстанциядаги қуввати 125 МВА бўлган АТ-1 трансформатори Қорақалпоғистон Республикасининг учта тумани – Беруний, Тўрткўл ва Элликқалъа туманларини электр энергияси билан барқарор таъминлашда муҳим омил бўлиб ҳисобланади.
2021 йилга қадар 220 кВли “Беруний” подстанциясида 90 фоиздан юқори юклама билан ишлаётган 1 та 125 МВАли АТ-1 трансформатори бор эди. Унинг ёнига қуввати 125 МВА бўлган АТ-2 — иккинчи трансформатор ўрнатилиб, АТ-1 трансформаторининг юкламаси меъёрга келтирилди. Бу эса электр таъминоти бўйича режалаштирилган кўрсаткичларни бажариш имконини берди.
Юқорида амалга оширилган дастурларнинг самарадорлиги натижасида Беруний, Тўрткўл, Элликқалъа туманларида куз-қиш мавсумларидаги электр таъминотида рўй бериши мумкин бўлган чекловларнинг олди олинди. Мавжуд ишлаб чиқариш корхоналари қувватларини кенгайтирилиши натижасида электр таъминоти мустаҳкамлиги оширилишига эришилди.
Ўзбекистон Республикаси
Энергетика вазирлиги Матбуот хизмати
1021
