Iste’molchilarni elektr energiyasi, tabiiy va suyultirilgan gaz bilan ta’minlash sifatini oshirish maqsadida olib borilayotgan modernizasiya va rekonstruksiya ishlari: 18 oktabr kuni amalga oshirilgan ishlar — ayrim hududlar misolida.
Andijon viloyati:
Аsaka tumanining “Farovon” MFY hududida quvvati 160 kVА bo‘lgan transformator punkti hamda 26 dona temir beton tayanchlar o‘rnatilmoqda.
Xonobod shahar “Jannatmakon” mahallasida “Obod qishloq” va “Obod mahalla” dasturi doirasida 640-sonli transformator punktidan chiquvchi tarmoqqa 2 km uzunlikdagi SIP kabel tarmog‘i tortilmoqda.
Buxoro viloyati:
Buxoro shahar modernizatsiya va yangilash ishlari doirasida “Markaziy” podstansiyadagi 25 000 kVA bo‘lgan kuch transformatori olib kelingan va 63 000 kVAli transformatorga almashtiriladi.
Namangan viloyati:
“Obod mahalla” va “Obod qishloq” davlat dasturi doirasida Chust tuman “Yangichak” mahalla fuqorolar yig‘ini hududida joylashgan 208-sonli transformator punktida tarmoq tortish ishlari bajarilmoqda.
Sirdaryo viloyati:
Guliston shahrida joylashgan “Markaz” podstansiyasidagi yuqori yuklamada ishlayotgan quvvati 16 000 kVA bo‘lgan kuch transformatori 25 000 kVA quvvatga ega bo‘lgan yirik transformatorga almashtirildi.
Qashqadaryo viloyati:
Yakkabog‘ tumani Darxon MFY Dodqush qishlog‘idagi 217-raqamli 100 kVa bo‘lgan transformator punkti ko‘rikdan o‘tkazilib, joriy ta’mirlandi.
Yakkabog‘ tumani Qishliq MFYga 2 ta, har birining quvvati 100 kVa bo‘lgan va bir dona 63 kVa li transformator punkti xizmat ko‘rsatib kelayotgan edi. Endilikda 160 kVa quvvatli yangi transformator punktini o‘rnatish ishlari olib borilyapti.
Farg‘ona viloyati:
Rishton tumanida jami turli quvvatdagi 57 dona transformator punktlari, 126,0 km uzunlikda 0,4-10 kVli elektr uzatish tarmoqlari mukammal ta’mirlanib, kuz–qish mavsumiga shay holatga keltirildi.
Quvasoy shahar “Qo‘chqorchi” MFY hududida 2 dona turli quvvatdagi yangi transformator punkti olib kelib o‘rnatildi. Shuningdek, 1,0 km uzunlikda 6 kVli, 1,2 km uzunlikda 0,4 kVli yangi elektr uzatish tarmoqlari qurilmoqda. Ushbu tarmoq uchun xozirda 80 ga yaqin temir-beton tayanchlari o‘rnatilmoqda.
Toshkent shahar:
Kuz-qish mavsumiga tayyorgarlik ko‘rish, uni betalofat o‘tkazish, shuningdek, tabiiy gaz iste’molchilari xavfsizligini ta’minlash maqsadida Yangihayot tuman “Xo‘ja Uchqun” mahallasi hududiga o‘rta bosimli gaz taqsimlash punkti o‘rnatildi.
447
